蒸廬

Open Now

Now Closed

睇親京端廣場嘅youtube片，唔少人都會介紹呢間點心舖，唔知係咪因為咁，無論幾點，門口都依然有人等緊位😮 好彩我地星期六嚟食晏都唔算等好耐，大概等左3個零字就入得。紫金流沙包 $32MENU紙上面無佢，不過店內黑板寫住推介。雖然一盤得兩個包，但SIZE有拳頭咁大，一隻包兩個人share就啱啱好。內餡名乎其實嘅咁流沙，質地較稀，所以要小心食、慢慢食，否則會噴汁😏；略嫌內餡甜度高左D。鮮蝦腐皮卷 $34新鮮炸出嚟，好辣口，食到蝦嘅存在，但油膩。蝦餃皇 $34餃皮偏厚，但勝在蝦仁彈牙又有汁。金錢肚 $34金錢肚大大塊，炆到軟淋淋，好內味，必食邪惡點心!!🤤鳳爪 $26目測幾大隻，但自己唔食鳳爪，唔知味道如何。牛柏葉 $34牛柏葉爽口，而且幾入到薑味，好味!咖哩土魷蒸豆卜 $34上枱果陣賣相真係麻麻，白色豆卜、個汁又水旺旺，似咖哩淋豆卜多過一齊蒸…🤔但原來咖哩沉左底，撈左之後，個汁即刻變杰身；豆卜素左甜甜地帶點辣嘅咖哩汁而變得好味；土魷就正常。茶芥每位$5，無加一，可以信用卡、alipay、八達通付款。整體食物質素幾高，熱度又夠，可以再食。