Davinci Cook (Closed)

星期六大概八點喺無訂位之下走咗入去食，可能已經頭圍用膳完畢，直入就有位啦。初時諗著四個人叫四樣菜就掂啦，但係個豬肋骨太大份，要食到拎走。小食叫咗黑松露芝士薯條，佢份份嘢食都好大份，連薯條都好多，味道好香，只係汁少咗啲。油封鴨腿飯就比期望差咗少少，飯同鴨腿都太乾。哩個豬手就堅正，新鮮出爐嘅豬手係切好上枱，好嫩嘅肉好香嘅脆皮，加上個薯角底。另外，個豬肋骨嘅薯圈，一餐有薯仔三食。我哋叫咗full set 豬肋骨，有十條骨，諗著一人兩條，輕鬆解決，點知好大份，都係再試之選。不過，基本叫咗大份豬肋骨，可以叫少兩道菜。