新寧餐廳

Open Now

Now Closed

又到星期五，食一個豐富又愉快的午餐，人的心情都會好啲。一向食扒餐的我都唔會選擇牛扒做午餐，但今日破例，唔想食龍脷柳，就揀咗牛扒。侍應捧住一盤麵包俾你揀，有普通餐包，但我就揀咗個多士，多士唔夠熱，又唔脆。餐湯羅宋湯或者磨菇忌廉湯，羅宋湯似雜菜湯我就唔係好覺有牛味，有少少辣，幾好飲。牛扒賣相好靚，肉質呈粉紅色，都幾嫩，上面舊牛油有啲邪惡，不過我由它自然咁溶， 薯條即炸夠熱。有埋甜品，不過好似朱古力慕絲，味道一般啦!凍檸檬茶幾好飲，有茶味檸檬香。午餐$98加一都幾抵食。