鹿角巷 (Closed)

有位錯，舒服，好味叫咗個小確幸奶茶。甜度冇得揀。就算唔額外加糖，已經夠甜。紅豆同埋芋泥本身都有糖。茶味好出。其實不停都會有人入嚟買嘢飲，但一般都會拎走，唔會坐低。所以長期都會有幾個吉位可以坐喺度慢慢飲。行街行到攰，可以坐低慢慢飲杯嘢，真係唔錯。仲要係星期六日人流最多嘅時候。一杯$30 ，但其實都幾多冰。幾啖就飲完啦。如果紅豆同芋頭嘅甜度都可以調校就好。因為唔係人人都鍾意食咁甜。走糖嘅話，容易入口啲，又唔使咁肥。