Café East

Open Now

Now Closed

之前食過一次自助晚餐，今次朋友慶生，再食，今次食星期日午餐。早一個月前book，12月份冇任何優惠，自助午餐好似要成400-500，幾多錢已經唔記得。可能冇優惠，當日唔滿座。待應安排我哋坐係餐廳入口左邊嘅位置，枱同枱之間距離都夠，人唔多，所以都清靜，沒有要排隊拎食物，或者食物清盤情況。食物種數好多，中式，試咗大蝦帶子抄菜心，上湯蒜頭菜苗，蒸魚，食材新鮮，有酒樓水準，仲有叉燒，海南雞同燒鴨。西式都好多款，有炸蝦，白汁意粉，牛肋骨，切牛扒，串燒等等，冷盤有沙律bar，cold cut, 火腿芝士，刺身有三款唔吸引，凍海鮮有龍蝦仔，龍蝦蚶，麵包蟹，青口，都幾失望，龍蝦蚶冇味，仲有出水嘅。甜品雪糕好多款式，我冇食，看來唔錯。當然晚市更多甜品選擇啦。整體來講，如果有返之前嘅二送一就會再幫襯。⋯⋯