龍鳳冰室 (Closed)

朝早起咗身梗係要去食早餐啦！龍鳯冰室由佢響大坑開嘅時候我哋已經食過！當時啱啱開好混亂，啲食物亦好麻麻，真係有好大嘅進步空間！見呢間都開咗一段時間，老公又話屋企附近嘅早餐都已經食過曬，不如再試吓呢間啦！可能會好食左呢！咁好啦，又再去一次試吓有冇進步咗！一入去，一個人都冇，我已經覺得伏伏哋，但又安慰一下自己，只係因為佢係橫街，好多人未必知呢度有呢嘢，所以冇人知先至會冇人啫！千祈唔好小人之心！好入到去坐低，待應都有禮貌吖！等咗一陣，食物嚟啦！熱騰騰送上！通粉同麵雖然味道唔啱我哋口味，鴛鴦同熱檸茶亦都唔多得，但最起碼夠熱唔係凍嘅就拎出嚟吖！食物雖然唔啱我口味，但都總算有誠意去整啦！🤣😌希望下次味道會有進步啦⋯⋯