Ben哥米線 (Closed)

今日難得可以同老公試下新野，係教會附近開左間米線、早就已經想試，今天才有機會。 $47 就有 三餸兼凍飲、實在抵食。 講下d 餸先：墨丸比平時食開既細左一個圈到，但都好食、腐竹同腩肉都多份量，腩肉仲有d 食極都未食完既感覺（講明、我是偏細食既死港媽）、老公嗌既豬軟骨好林，好入味、但蘿蔔同魚腐就唔太好，蘿蔔浸到有d 爛、魚腐可以用一pat來形容。湯底方面：番茄湯底好香，小朋友應該會like,下次會叫阿囝同阿囡試食。酸辣湯底唔錯，不太辣，唔駛狂灌水，啱晒我既程度，不過我嫌唔夠酸菜，下次會加酸菜（$5）。總括：會再幫襯。