海港酒家

Open Now

Now Closed

同家人星期日飲茶，之前都只食過晚餐，第一次同家人嚟飲茶，訂咗位都要等40分鐘，同唔訂無乜分別。今次坐大門對正嘅開放式房間，無咁嘈，還可以，寫好點心要落單，叫極都無人理，終於有阿姐嚟喇，又問埋d九唔搭八嘅問題，擾攘咗5，6分鐘先落到單。上點心嘅速度一般啦，但點心質數還要多加改良呀！味道一般！紅油抄手係先整熟雲吞，最後先加醬汁，碟底仲有水，醬汁只放中間，無掂到醬嘅淡茂茂。薄罉煎到燶晒，味道就還可以。其他點心都不過不失，但無特別好食。