Video
Opening Hours
Today
07:00 - 22:15
Mon - Sun
07:00 - 22:15
Above information is for reference only. Please check details with the restaurant.
Recommended Dishes
今日打電話去買羊腩煲外賣，話要$188再加7蚊外賣碗。我覺得奇怪打去其他分店，全部都係$138，而且不需外賣碗費用。我再打電話去問，都係$188，再追問下就話叫經理同我講，經理話來貨貴咗所以貴咗，我同佢講我問咗四五間分店都係$138，馬上改口話因為節日所以貴咗，我問佢今日係咩節日又答唔出，跟住就話照$138賣俾我，好恐怖嘅海港酒家，原來價錢係經理隨口嗡的，影衰海港個招牌，大家去這家海港真係要小心check真有無收多。
continue reading
星期日瞓醒就求其喺附近搵間酒樓食點心。 去咗卓爾廣場間海港酒樓，兩個人叫咗4碟點心。 分別係燒賣，雞扎，金錢肚同一盅鳳爪排骨飯。 點心味道同早兩個月比差左好多，點心唔係熱辣辣只係微暖，金錢肚太淋又唔入味。 鳳爪排骨飯似食豉油撈飯多d，完全無味道同飯香。 😖我估應該轉左點心師傅， 睇黎下次可以搵第二間酒樓同屋企人食了。
continue reading
午餐4個人，點咗雙乳鴿連米線$98。乳鴿新鮮炸起好香脆，上枱自己剪開，皮脆肉嫰，可惜咸咗啲。跟乳鴿有3塊炸蝦片，好脆，可惜表面有一點點，唔知係唔係油的問題。另外4個點心，叫咗燒賣好食，菜苗餃好食，生菜好脆好甜。最後是炸蛋散，又有少少油益味。埋單每人$66。以後午餐唔會再叫油炸嘢。
continue reading
之前同家人去海港想食阿拉斯加長腳蟹，點知當日無晒蟹賣，有點失望，唯有改成澳洲龍蝦代替！今次我醒目呀，一早訂定枱及一隻蟹同BB慶祝生日，揀咗一隻五斤六兩嘅阿拉斯加長腳蟹🦀️，特價每斤$188， 不用另收油料費，真係好抵好抵食。用蟹膏蟹蓋炒飯，足料又夠鑊氣，好味及份量非常之多只需加$120，我見隔籬枱花雕蛋白蒸長腳蟹(加$100），賣相也很吸引，我下次一定要試吓長腳蟹唔同食法。我哋加多兩碟小菜，豉汁蒸白鱔及西蘭花炒帶子珊瑚蚌，味道也不錯。
continue reading
而家喺香港飲茶，價錢真係唔平，唔怪得有咁多人北上消費。首先，今日飲茶，都係食咗一啲好普通嘅點心，但係價錢小點已經最平係$25 ，仲有成張點心紙已經得返一至兩款係小點，連普通嘅叉燒包都已經係中點，中點已經接近$30了。佢都有啲係特價點心，但其實特價偏心係星期六日週末都係每碟點心都要加多$4 ，所以其實特價點心紙都係冇特價。點心質素就正正常常，都係食蝦餃燒賣叉燒包呢類，味道正常發揮，所以整體嚟講都算幾貴。
continue reading