Neway Karaoke Box (Closed)

今日約好耐無見的朋友S，大家都喜歡唱k , 於是大家一致決定去深水埗宇宙Neway唱K Lunch。今次是我第三次來，喜歡佢d 職員服務好，唱開k 的人都知，無幾多間分店職員有好面口俾客人睇。同埋之前兩次都大讚它的豬手餐，今次都繼續食豬手餐$108,送香檳，朋友S話支香檳好好飲，其實是沒酒精的有氣果汁，我都喜歡，唱到口乾有野飲下。今次的豬手超大隻，比之前兩次仲大隻，食到我好開心！不過今次整得乾左d, 層皮硬左少少，但點蒜蓉汁食都可以接受。中華沙律也不吝嗇地一大堆給你上碟，食肉多，中和下，好味！切開啖啖肉，真係食足全場，早餐加午餐一次過食，連朋友S都讚呢個餐抵食！一齊食肉食唔停，唔唱歌住。朋友S點的小菜套餐$79, 因為無晒翠玉瓜炒牛肉，所以點菠蘿生炒骨。味道比平時茶餐廳食的較濃，汁也濃，不好甜酸汁的人可能會覺得酸了些，我則喜歡它也炸得脆口。送埋個南瓜雞絲湯，煮得厚身的湯，我覺得咸了一點，淡少少就剛好。因為假日，早一日訂房也要加一服務費，但都可以唱到四點，好開心！過癮！