Outdark (H8)

Open Now

Now Closed

勁鍾意Outdark，因為無論食物同環境都咁正，今日又約咗朋友嚟聚吓舊，順便同佢慶祝生日。感覺就好似享受緊星空下的炸雞😂食韓國菜點炸雞是常識吧，因為朋友唔食辣，所以我哋就揀咗香蒜蜜糖炸雞。我鍾意呢度嘅炸雞，係因為佢一定會配埋薯條同薯格，零舍豐富。串串魚糕湯份量相當多，滿滿嘅一大兜，裏面有串串魚糕、年糕、獅子狗卷、金菇、蘿蔔等，真係食極都唔完。而我就最鍾意食佢嘅魚糕，串起嚟食就更加方便。最後我哋都食咗個泡菜豬肉炒飯，炒飯用泡菜連泡菜嘅汁一齊炒，少少辣非常香，配埋大大隻煎蛋同紫菜，真係非常惹味。呢個份量我哋三個人食就啱啱好啦！