合十 (Closed)

今晚來觀塘一間有露台餐廳開飯，一入門口已經看見一張韆鞦椅，行入啲看到漫天燈泡閃着，猶如進入‘來自星星的你’情景，戶外仲有一啲帳幕，打卡位置甚多。用手機掃掃QR code落單，方便快捷。燒牛肉紫洋蔥沙律燒牛肉肉味香濃，肉質軟淋，菠蘿輕輕燒過，鮮甜無渣，幸好落單時選了辣汁分開上，紫洋蔥和生蒜片都屬於辣的食物，再加辣汁食會越食越刺激，好過癮！巨型豬扒跟薯菜上枱時真係嚇了一跳！都係第一次見到咁大塊豬扒，但係豬扒又很易切開，而肉質嫩滑唔韌，帶鹹香。薯條炸得脆口又燙口，翠玉瓜和蕃茄多汁，微鹹的煙肉包着粟米仔和幼蘆筍，較淡口嘅粟米仔和蘆筍浸入了煙肉嘅鹹香，味道頓時提升，豐富多汁。玫瑰伯爵茶奶蓋瀑布蛋糕配伯爵茶雪糕這個甜品我覺得係必食，首先要好有技巧地拎開包着瀑布蛋糕的膠片，幾秒後，粉紅色的玫瑰奶就如瀑布般瀉出來，雖然掩蓋了整個蛋糕，然而蛋糕的伯爵茶味道很濃郁，蛋糕鬆軟可口，中間的忌廉呈半融狀態，切開後仍屹立不倒，冇散開，真係大讚！多一士不如少一士由於選了少甜，士多啤梨奶昔酸酸甜甜，唔會太多冰。攞你命三千由多種水果製成，水果和茶味的比例平均，唔會太甜，亦唔會只有茶嘅味道。食物份量頗大，店員親切有禮，環