Video
Read full review
2021-12-02
522 views
位於土瓜灣地鐵站只需行5分鐘既夢之丼，專門食日本丼飯，當然有其他壽司，刺身，料理任均選擇🍱🍱非常驚喜嘅日本滋味，食材大部份都係日本直送，質素之高絕對唔輸蝕比其他貴價日本料理店，特別係佢既用來做丼及壽司既飯，係用咗自家製嘅日本赤醋，調味非常出色，加上一定係使用日本米，非常好食💛💛是日晚餐二人前▪️自家製梅洒 $68 per glass 見到吧枱前，浸住一呈呈嘅梅酒，好洒嘅我即時雙眼發光，老闆介紹係自家浸嘅梅酒，即時喺個玻璃呈裝俾我哋然後加冰，感覺非常之好，味道當然非常出眾，梅味清香，洒味清純，為咗呢呈洒我一定會返轉頭▪️特上9貫壽司 $328好似OMAKASE 一樣，廚師會根據當日最新鮮日本直送嘅食材而釐定當日9貫嘅壽司材料，大家睇相都知道有幾咁新鮮好食▪️夢之丼 $298 （晚市丼飯有八五折）招牌丼飯，食材非常豐富，有三文魚蓉，三文魚子，帆立貝，牡丹蝦，海膽，松葉蟹，左口魚邊，超級新鮮，全部已經調咗味，味道真係好出色，食材絕對對得住價錢▪️花錦魚生丼 $188 （晚市丼飯有八五折）呢個丼飯係將所有材料切碎然後再撈生雞蛋黃一齊食，將食材嘅鮮味再次提升💛，材料一樣係超級豐富，三文魚，白身魚，赤蝦，
非常驚喜嘅日本滋味，食材大部份都係日本直送，質素之高絕對唔輸蝕比其他貴價日本料理店，特別係佢既用來做丼及壽司既飯，係用咗自家製嘅日本赤醋，調味非常出色，加上一定係使用日本米，非常好食💛💛
是日晚餐二人前
▪️自家製梅洒 $68 per glass
見到吧枱前，浸住一呈呈嘅梅酒，好洒嘅我即時雙眼發光，老闆介紹係自家浸嘅梅酒，即時喺個玻璃呈裝俾我哋然後加冰，感覺非常之好，味道當然非常出眾，梅味清香，洒味清純，為咗呢呈洒我一定會返轉頭
▪️特上9貫壽司 $328
好似OMAKASE 一樣，廚師會根據當日最新鮮日本直送嘅食材而釐定當日9貫嘅壽司材料，大家睇相都知道有幾咁新鮮好食
▪️夢之丼 $298 （晚市丼飯有八五折）
招牌丼飯，食材非常豐富，有三文魚蓉，三文魚子，帆立貝，牡丹蝦，海膽，松葉蟹，左口魚邊，超級新鮮，全部已經調咗味，味道真係好出色，食材絕對對得住價錢
▪️花錦魚生丼 $188 （晚市丼飯有八五折）
呢個丼飯係將所有材料切碎然後再撈生雞蛋黃一齊食，將食材嘅鮮味再次提升💛，材料一樣係超級豐富，三文魚，白身魚，赤蝦，左口魚邊，金蟹子，三文魚子，櫻花蝦，蟹膏豆腐，青瓜，甜蛋，玉子漬，松葉蟹，蜆肉，每一口飯都充滿鮮味，好好味
▪️赤貝 （是日日本直送）$68
新鮮脆口，非常鮮甜
▪️法國生蠔 （法國）$38/隻
細細隻但蠔味超濃爽口
▪️深海池魚 （是日本直送）$78 / 2切
厚切魚肉彈牙，鮮味非常
▪️蟹黃醬燒蟹膏豆腐 $48
呢個豆腐都做得非常出色，首先豆腐好香豆味好滑好滑，燒蟹膏味超濃，加上細蔥一齊食，救命呀，唔該想要多一碟
▪️左口魚變壽司 $98
燒過嘅左口魚，加上特調醬汁和木魚，魚油豐富，入口即溶
▪️佐洒池魚仔 $38
送洒必點，炸咗成條都食得，脆口冇骨，巳經調味，帶點點鹹香，正正
▪️沙律 / 麵豉湯
沙律新鮮，做開胃菜一流
麵豉湯值得一讚，麵豉清香，湯頭清甜，令人想一飲再飲
✨整體餐廳環境好有日本感覺，令人坐得舒服，惜才非常高質素，而且絕大部份係日本直送，絕對對得起價錢，必須回頭的餐廳✨
Post
