Video
Read full review
2024-10-12
3085 views
我都覺得自己好放肆，連埋已約好的飯局，今年至少會食五餐大閘蟹，其中之一，在米芝蓮星級名店富豪酒家享用。阿翁既鮑魚聞名於世，我卻從沒嚐過其大閘蟹，若不是朋友相約，我甚至唔知道呢度有得食大閘蟹。廢話唔講咁多，直接同大家介紹下美食。既然是食大閘蟹，必定要有花雕相伴，兩者是絕配。套餐第一道，以生拆的大閘蟹黃、蟹粉在砂鍋炒香，配合濃郁既高湯，再放入牙揀翅，成品金黃吸引，香氣撲鼻而來。入口順滑，味道甘香味鮮，愛吃翅的朋友一定會喜歡。接著來是三十頭的吉品鮑，雖然是養殖鮑魚，但經鮑魚專家阿翁的獨特烹調之後，同樣是軟滑、有溏心，味道鮮美，阿翁既鮑魚從來無得輸。鮑魚以外，是日另一主角的大閘蟹都好有睇頭，六両重的蟹公，係真正黃毛金爪的江蘇大閘蟹，係阿翁同供應商咁好關係先可以入到咁靚既貨。單是外型已贏晒，打開蟹蓋香氣四溢，有唔少蟹黃和半透明蟹羔，粘口甘香，蟹肉清甜，沾上自家調配的醋來吃，非常高質。常說阿翁既炸子雞獨步天下，今次吃到的生煎薑蔥鹽香雞亦毫不遜色，以本地新鮮雞炮製，雞皮香口，肉質細嫩，薑蔥當然不是配角，令成件事的味道與層次幾何級提升，教大家吃不停口。瑤柱蟹腿炒飯又是香噴噴，很足料。米飯香口，粒粒分明
我都覺得自己好放肆，連埋已約好的飯局，今年至少會食五餐大閘蟹，其中之一，在米芝蓮星級名店富豪酒家享用。
阿翁既鮑魚聞名於世，我卻從沒嚐過其大閘蟹，若不是朋友相約，我甚至唔知道呢度有得食大閘蟹。
廢話唔講咁多，直接同大家介紹下美食。既然是食大閘蟹，必定要有花雕相伴，兩者是絕配。
套餐第一道，以生拆的大閘蟹黃、蟹粉在砂鍋炒香，配合濃郁既高湯，再放入牙揀翅，成品金黃吸引，香氣撲鼻而來。入口順滑，味道甘香味鮮，愛吃翅的朋友一定會喜歡。
接著來是三十頭的吉品鮑，雖然是養殖鮑魚，但經鮑魚專家阿翁的獨特烹調之後，同樣是軟滑、有溏心，味道鮮美，阿翁既鮑魚從來無得輸。
鮑魚以外，是日另一主角的大閘蟹都好有睇頭，六両重的蟹公，係真正黃毛金爪的江蘇大閘蟹，係阿翁同供應商咁好關係先可以入到咁靚既貨。
單是外型已贏晒，打開蟹蓋香氣四溢，有唔少蟹黃和半透明蟹羔，粘口甘香，蟹肉清甜，沾上自家調配的醋來吃，非常高質。
常說阿翁既炸子雞獨步天下，今次吃到的生煎薑蔥鹽香雞亦毫不遜色，以本地新鮮雞炮製，雞皮香口，肉質細嫩，薑蔥當然不是配角，令成件事的味道與層次幾何級提升，教大家吃不停口。
瑤柱蟹腿炒飯又是香噴噴，很足料。米飯香口，粒粒分明，每一口都吃到蟹腿肉。其實呢個級數既粵菜酒家的炒飯，絕對是信心保証。
最後來碗薑茶湯圓，係蟹餐最完滿既終結。
Post
