星怡

Open Now

Now Closed

之前食過尖沙咀嘅星馬菜星怡，係黃大仙都開左分店，室內嘅裝修幾靚，仲有室外嘅座位可以坐。雞髀辣死你媽椰漿飯大大隻雞髀外面包住金黃色又香又脆嘅外皮，食落好香脆。飯面頭蓋上太陽蛋，白飯加入藍色嘅蝶豆花一齊煮，望落好特別，食落又帶有香濃椰漿味。參巴辣醬同花生加埋飯一齊食，好夾好惹味 。新加坡海南雞飯海南雞碟上淋上特別嘅醬汁，雞食落好滑。油飯好香，粒粒分明。仲配左個雞湯。南洋咖吔多士（榴蓮）微暖嘅多士夾住冰凍嘅牛油同榴蓮咖吔醬，牛油厚厚的，加埋咖吔食落鹹鹹甜甜，又唔會比榴蓮味搶哂，真係邪惡又好味。娘惹蘿蔔糕蘿蔔糕加埋芽菜一齊炒到好香，熱辣辣上枱，蘿蔔糕口感帶點軟糯。美祿恐龍（凍)洛神花蜜茶（凍）