Video
Read full review
2018-04-02
243 views
去日本最想就係食蠔！無論福岡嘅蠔屋定係築地嘅大大隻生蠔，都係我 依莉詩 嘅最愛！最近千両推出咗「春季時令鮮之選」，唔洗去日本就可以一次食勻來自日本大分、福岡及熊本嘅精選鮮蠔！食勻春季時令刺身春天係花開嘅季節，海鮮一樣肥美！而家至5月上旬，千両全線分店除咗有肥美生蠔，仲有春季必食嘅鯛魚、針魚同鰈魚，每一樣都鮮嫩特有口質，配上春季限定清酒，清新悅人嘅味道就更有春天嘅氣息。清酒蒸蠔盛合嘅蠔都係由日本直送！原隻鮮蠔用清酒蒸煮8至10分鐘後，煮得啱啱好！肉質鮮美爽口，加上淡淡酒香，比起生蠔不失鮮嫩，更易入口。當中熊本鏡蠔最大隻，有成隻手掌咁大，肉質最肥厚，海水味濃郁！福岡鮮蠔甘鮮帶咸，比較清爽，酒味最香，而大分牡蠣細細隻，但爽口有蠔味。平時食嚟食去都係三文魚同吞拿魚，原來針魚刺身又係另一種口感。因為針魚油份較少，肉質比較結實，薄薄魚片入口清新，非常特別。鯛魚刺身薄薄一片，味道同樣十分清新，脂質含量適中，肉質鮮甜帶煙韌。三件壽司配上不同調味，辣椒蘿蔔蓉微辣醒胃，柚子啫喱清新帶甜，柚子胡椒香辛解膩，食完非常開胃。千両除咗食壽司刺身，熟食都係不錯嘅選擇。呢款鐵板牛肉壽喜燒份量唔算多，牛油熱鍋裝住牛肉片
海之真味9點盛
18 views
0 likes
0 comments
食勻春季時令刺身
春天係花開嘅季節，海鮮一樣肥美！而家至5月上旬，千両全線分店除咗有肥美生蠔，仲有春季必食嘅鯛魚、針魚同鰈魚，每一樣都鮮嫩特有口質，配上春季限定清酒，清新悅人嘅味道就更有春天嘅氣息。
清酒蒸蠔盛合
$140
24 views
0 likes
0 comments
清酒蒸蠔盛合嘅蠔都係由日本直送！原隻鮮蠔用清酒蒸煮8至10分鐘後，煮得啱啱好！肉質鮮美爽口，加上淡淡酒香，比起生蠔不失鮮嫩，更易入口。當中熊本鏡蠔最大隻，有成隻手掌咁大，肉質最肥厚，海水味濃郁！福岡鮮蠔甘鮮帶咸，比較清爽，酒味最香，而大分牡蠣細細隻，但爽口有蠔味。
針魚刺身
$120
16 views
0 likes
0 comments
19 views
0 likes
0 comments
平時食嚟食去都係三文魚同吞拿魚，原來針魚刺身又係另一種口感。因為針魚油份較少，肉質比較結實，薄薄魚片入口清新，非常特別。
鯛魚三點壽司盛合
$65
15 views
0 likes
0 comments
鯛魚刺身薄薄一片，味道同樣十分清新，脂質含量適中，肉質鮮甜帶煙韌。三件壽司配上不同調味，辣椒蘿蔔蓉微辣醒胃，柚子啫喱清新帶甜，柚子胡椒香辛解膩，食完非常開胃。
鐵板牛肉壽喜燒
$78
36 views
0 likes
0 comments
千両除咗食壽司刺身，熟食都係不錯嘅選擇。呢款鐵板牛肉壽喜燒份量唔算多，牛油熱鍋裝住牛肉片、椰菜、豆腐、蒟蒻絲同蘿蔔，醬汁香濃鮮甜，送酒一流。
Post
