Video
Read full review
2016-04-20
851 views
幾位朋友嘅小飯局，選址又一城嘅千両，皆因地理便捷，觀塘線、東鐵線交匯，而小弟返美孚亦可選東鐵到紅磡轉西鐵，一陣就返到屋企。而且，印象中嘅千兩本身都不俗，加上依間千兩作為旗艦店自然加多幾分信心。除咗佢哋出名嘅朝捕晚嚐、產地直送嘅賣點之外，「春季時令鮮の選」嘅季節限定，亦喺朋友嘅好介紹。既然喺旗艦店，跟一般嘅分店當然有別，最大分別我估就喺一入門口位有個搶眼嘅清酒酒吧外，就喺唔會晌度搵到迴轉壽司帶。再者，全店都裝修得美輪美奐、時尚摩登，配合柔和光效，讓人感覺輕鬆。味淋魚亁 $58魚乾入口煙韌得嚟唔會太乾身，仲帶半分軟腍，味道甜甜哋咁，作為餐前小食咬吓咬吓過吓口癮。梅子青檸梳打 $24朋友要咗點清酒，小弟酒量淺就無謂攞自己嚟搞，一杯冰涼清爽嘅梅子青檸梳打就最啱我，尤其依排突然又上番26、27℃，酸香醒神。如餐牌內頁嘅介紹：「走進來自日本關東栃木縣的千両，沒有過份的奢華，拒人千里之外的包裝，有的是傳統精湛「江戶前」手握壽司手藝……」，所以，佢哋嘅手握壽司又點可以錯過。千両特色四點盛 $180比起散點可以慳番$20，4款壽司（大拖羅、和牛、海膽同埋千兩壽司）都可以算喺店中招牌，雖然賣相平實都喺壽司
除咗佢哋出名嘅朝捕晚嚐、產地直送嘅賣點之外，「春季時令鮮の選」嘅季節限定，亦喺朋友嘅好介紹。
既然喺旗艦店，跟一般嘅分店當然有別，最大分別我估就喺一入門口位有個搶眼嘅清酒酒吧外，就喺唔會晌度搵到迴轉壽司帶。再者，全店都裝修得美輪美奐、時尚摩登，配合柔和光效，讓人感覺輕鬆。
味淋魚亁 $58魚乾入口煙韌得嚟唔會太乾身，仲帶半分軟腍，味道甜甜哋咁，作為餐前小食咬吓咬吓過吓口癮。
梅子青檸梳打 $24朋友要咗點清酒，小弟酒量淺就無謂攞自己嚟搞，一杯冰涼清爽嘅梅子青檸梳打就最啱我，尤其依排突然又上番26、27℃，酸香醒神。
如餐牌內頁嘅介紹：「走進來自日本關東栃木縣的千両，沒有過份的奢華，拒人千里之外的包裝，有的是傳統精湛「江戶前」手握壽司手藝……」，所以，佢哋嘅手握壽司又點可以錯過。
千両特色四點盛 $180比起散點可以慳番$20，4款壽司（大拖羅、和牛、海膽同埋千兩壽司）都可以算喺店中招牌，雖然賣相平實都喺壽司一件，但都喺以靚料入饌。
大吞拿魚腩壽司（散點$45）吞拿魚唔同部位有唔同名稱，老實講，小弟自問對依方面無乜心得，但不得不讚日本人對食材嘅尊重。油花平均綿密，口感極為細緻嫩滑，壽司飯黏糯卻分明。
極上佐賀和牛壽司 （散點$45）甚少食生牛肉嘅壽司，敢以生牛足見靚貨入饌，而亮點更喺用上佐賀和牛。入口細膩，油脂融化於口腔卻唔會有朕生肉嘅感覺，柔嫩好食。
北海道海膽壽司（散點$55）海膽做菜一向甚少花巧，因為可食其本身鮮味，不過，是夜嘅北海道海膽鮮度未及預期，而既腍又韌嘅紫菜絕對喺敗筆所在。
千兩壽司（散點$55）壽司飯搓成球形，放上吞拿魚蓉、海膽同炸薑絲，配搭已別樹一格。吞拿魚蓉入口綿滑，炸薑絲脆卜卜，令整體口感多變咗，都喺同一個問題，海膽無預期中好。
蜜柑味油甘魚刺身 $105既然喺食春季時令，3月盛產嘅油甘魚順利成章為餐廳嘅推介刺身。唔喺店員特意介紹，真喺唔知原來有蜜柑味同柑橘味嘅油甘魚，前者嚟自四國愛媛縣，後者則嚟自九州大分縣，喺當地漁農加入蜜柑 / 柑橘嚟飼養，唔知有無錯，小弟所理解前者就喺我哋平時講開嘅柑，後者就喺橙。講番碟蜜柑味油甘魚，一客6片，片片厚薄均一，加上三文魚籽、柚子酸汁啫喱、柑肉及蔥花，唔單賣相更見細緻，味道多元，酸甜清爽，不過，如終加咗少少配料，油甘魚本身嘅柑味未見話好突出。
朝捕晩嚐海の幸（大盛）$430朝捕晩嚐海の幸分兩款：$240及$430，兩者都有5款刺身，分別在乎份量之上。而所選擇嘅「大盛」，5款刺身包括：原條伊左木（中間）、柑橘油甘魚（前右）、櫻魚鯛（前左）、黑睦（後左）、蜜柑油甘魚（後右）。
原條伊左木除咗原條之外，更連皮、厚切，初時都擔心連皮切會唔會令到啲刺身入口有啲黏韌，吖！出奇地又無喎，層魚皮仲幾爽添，過癮！過癮！伊左木嘅魚味唔算得好濃，但卻有種實淨感。
柑橘油甘魚之前食嘅蜜柑味油甘魚時，因為配搭咗其他配料而未能完成感覺到嗰朕柑味，不過，依家簡單試試柑橘油甘魚刺身時，更專登乜都唔蘸，入口果然有淡淡橙香，感覺好神奇咁。
櫻魚鯛刺身色澤帶粉紅如櫻花般，所以，俾個靚名佢叫櫻魚鯛，櫻花造型就整唔到，捲番個花形都算配合吓。櫻魚鯛肉質雖然唔喺屬多油份嘅種類，但食落鮮甜無比，清新爽口。
黑睦印象中櫻魚鯛喺第一次食，黑睦都應該喺，始終對食刺身嘅閱歷都喺少，仲有好多學習。唔知自己有無錯，黑睦食落魚味同樣比較淡，口感帶少許黏。
蜜柑油甘魚試完個柑橘油甘魚之後，照辦煮碗，又喺乜都唔點就咁將肥美嘅油甘魚放入口，真喺又嗒到啲柑味，不過，老實講，橙味、柑味都差唔多，因為味道淡淡滲出，唔喺好強烈咁，所以，個人覺得兩者味道唔喺話差好遠。
雖然千両俾人嘅印象有少少高檔啲，亦比一般迴轉壽司嘅消費高，不過，不時不食，要食時令好嘢，自然就要付出多少少。之但喺，晌度食番次「春季時令鮮の選」，又真喺唔使一擲千金咁誇嘅。
Post
