Springtime (Moved) New Location

新年既時候，柴灣唔係咁多鋪頭開，幾經辛苦，揾到間工廈西餐廳。下午入到去時已差不多full house。可能大家都估唔到工業風既工廠大廈會收埋間咁文青既西餐廳，所以都想來試下。餐廳布置幾靚，文青mix工業風既裝修，有枱同bar枱，一人至一家大細黎食都ok。依間餐廳沿用美式點餐風格，要先睇餐牌，然後出去比錢，拎個牌仔，再會送餐。我地點左個蔬菜意粉+半隻燒春雞配黑松露薯條，再加多杯奶茶同麥茶。等左一陣，餐廳先送上免費蘿蔔糕，適逢新年，估唔到餐廳幾有心。之後先黎左燒春雞+薯條，燒春雞係半隻，唔會太大。食落去肉質偏實，我自己就麻麻地。而薯菜方面，算不過不失吧，都幾好食。最後黎既蔬菜意粉屬素菜，集合了不同蔬菜，加上炸蒜油炒，香到不得了，岩晒素食人士，幾好食。飲品方面凍麥茶幾refreshing，奶茶OK。總結，依間餐廳係柴灣黎講算少有，味道還可以，但性價比有待提高。如果口痕既話都會黎食下。