Video
Read full review
2012-02-27
166 views
近年揀選去食春茗嘅地方都唔同，唔再好似幾年前咁去死一間，我就絕對贊成啦，每年都試吓新地步好Ｄ嘛，今次就去咗鱷魚恤中心的《彩晶軒》。我都係第一次去彩晶軒食野，第一次已經要食晚飯喇，但係套餐唻講呢，我又覺得未必食得出真才實料，總覺得飲茶時段的點心會更見真章啫。Anyway, 呢餐老闆訂咗２席＜錦繡昇濤宴＞，不過每席全包茶芥加一鵲片藍妹啤酒４罐汽水罐，法國紅酒一枝，整體食味都好，雖然一Ｄ都唔平，但以材料味道服務又係團年飯唻計，都尚算唔錯喇；另外都有間咗間叫＜風和廳＞的房有景睇，但如果房外面可以靜返Ｄ就更好囉。係2040開席，2045終於都上第一道菜喇，我真係等咗好耐啦，開頭幾道菜都上得好快嘅，去到第５道菜—上翅就要等吓先上！食吓食吓.....最後Ｄ糯米飯都要原封不動打包啦，個個都食到好飽喇嘛，美點映雙輝同生果都係食咗少少都要打包，不過打包都好，唔使o徒野！＜錦繡昇濤宴＞(每席$5688)鴻運乳豬大拼盆—有乳豬、熏蹄、叉燒、燒鵝和，砌得幾靚仔，味道不過不失，乳豬皮脆。生財蠔豉瑤柱脯—蠔豉同瑤柱脯都好大隻，唔太咸，但生菜略嫌油咗Ｄ。西蘭玉帶桂花蚌—西蘭花乾身，帶子同桂花蚌唔韌爽口，幾好味。生汁明
我都係第一次去彩晶軒食野，第一次已經要食晚飯喇，但係套餐唻講呢，我又覺得未必食得出真才實料，總覺得飲茶時段的點心會更見真章啫。
Anyway, 呢餐老闆訂咗２席＜錦繡昇濤宴＞，不過每席全包茶芥加一鵲片藍妹啤酒４罐汽水罐，法國紅酒一枝，整體食味都好，雖然一Ｄ都唔平，但以材料味道服務又係團年飯唻計，都尚算唔錯喇；另外都有間咗間叫＜風和廳＞的房有景睇，但如果房外面可以靜返Ｄ就更好囉。
係2040開席，2045終於都上第一道菜喇，我真係等咗好耐啦，開頭幾道菜都上得好快嘅，去到第５道菜—上翅就要等吓先上！
食吓食吓.....最後Ｄ糯米飯都要原封不動打包啦，個個都食到好飽喇嘛，美點映雙輝同生果都係食咗少少都要打包，不過打包都好，唔使o徒野！
＜錦繡昇濤宴＞(每席$5688)
鴻運乳豬大拼盆—有乳豬、熏蹄、叉燒、燒鵝和，砌得幾靚仔，味道不過不失，乳豬皮脆。
生財蠔豉瑤柱脯—蠔豉同瑤柱脯都好大隻，唔太咸，但生菜略嫌油咗Ｄ。
西蘭玉帶桂花蚌—西蘭花乾身，帶子同桂花蚌唔韌爽口，幾好味。
生汁明蝦球—沙律醬包住蝦球，大大隻爽口彈牙，但不太濃有少少酸，如果可以少Ｄ沙律醬就好啦，還有少許脆脆的花生碎係面唔錯。
紅燒雞絲生翅—我唔食翅所以冇食。聽同事講翅量極少芡濃，咸。
清蒸花尾龍躉—龍躉唔大條，就算的食背脊位肉質都好滑，味道o岩o岩好，條魚去得最快！！
北菰原隻鮑魚—Ｄ菜好油，北菰好味，正；鮑魚唔韌。
彩晶軒脆皮燒雞—皮很脆，肉質嫩滑好肥美添。
- 好景糯米飯—當晚冇人食因太飽喇，但第２日聽同事講係幾好味喎。
- 長壽伊麵—估唔到就算飽都去得幾快，睇落好似油油的，原來食落幾乾身，味道o岩。
- 鴻運慶團圓—蓮子紅豆沙配芝蔴湯丸，芝蔴湯丸皮好薄，紅豆沙唔甜紅豆都幾大粒，好食喎。
- 美點映雙輝—中間的冬蓉酥被兔仔棉花糖包圍，冬蓉酥都食得吓，但同事話兔仔有Ｄ"益益"地喎！
- 合時生果—估唔到係柑，好細個。
Post
