金鳳茶餐廳

Open Now

Now Closed

朋友喺灣仔長大，佢話我應該要試下呢間茶餐廳，不過佢都強調左幾次，覺得近年嘅質素係差咗。餐廳保留舊式嘅茶餐廳風味，一睇就知有返咁上下歷史，店舖地方唔算大，我地兩個人係門口都排左一陣先入到去，坐得都算逼夾，不過都好正常，始終佢賣點唔係坐得舒服。朋友叫左個特價午餐，有沙嗲鮮牛肉配通粉，火腿奄列，再加菠蘿油，配凍檸茶 $51+$4+$3佢話沙嗲汁個味夠濃，牛肉都夠嫩，都惹味嘅！奄列個蛋都炒得滑而我就叫左營養快餐D，有火腿通粉，菠蘿油，配原裝凍奶茶 $47+$4+$3火腿份量多，但湯少無味，有啲失望！菠蘿油做唔到鬆軟嘅感覺，好厚實，最後就係原裝凍奶茶，其實好飲嘅，奶滑香濃本身比好高分，但因為佢賣點係無用冰，只用雪櫃雪完就上，喺咁熱嘅天氣下，真係唔夠凍，不過呢個不是佢本身嘅問題，只係近來真係太熱！懷舊嘅餐廳，有時未必係食佢嘅味道，可能係好似我朋友咁，食嘅係一份回憶。