Video
Read full review
2009-03-03
377 views
1月30日, 難得我地都放假, 中午去灣仔搵飯食, 呀菲提議去呢度食心太軟, 黎到船街, 一列都裝修過, 周圍變得好高級~ la bons café 個門口唔難搵, 門口都好西式feel, 當時2點幾, 唔算多人, 一坐低已經有種感覺好似茶餐廳… 首先, 廚房不斷傳出碗碟碰撞嘅嘈吵聲, 好似有人喺我地隔離洗緊碗咁!! 其次枱面張枱布好污糟, 嗰d係積黎, d侍應以為放張餐紙喺上面d人就睇唔到!! 算數, 食物好都可以補救, 希望d野食會好d.::: 餐湯 + 沙律 :::湯係南瓜蓉忌廉湯. 有南瓜味不過唔夠杰. 麵包有d韌不過都算ok. 沙律就尚算新鮮, 不過應該係放咗喺雪櫃整定.::: 煙三文魚, 煙肉, 甘荀及野菌炒天使幼麵 ::: $60賣相係唔錯, 不過味道十足十茶餐廳炒米粉咁~ 煙肉唔香好似火腿~ 甘荀即係蘿蔔絲~ 野菌又好似碌熟冇乜味~炒天使麵味道真係好似炒米粉… 唯一可以嘅係煙三文魚, 不過原本個menu係蝦, 不過冇蝦所以用煙三文魚代替, 欠缺誠意… 整體普通, 似中多過西.::: 燒法式鴨胸伴燒紐西蘭牛仔脾肉配青檸蜜糖燒汁配美國薯條及時菜 ::: $65呢個更差! 首
::: 餐湯 + 沙律 :::
湯係南瓜蓉忌廉湯. 有南瓜味不過唔夠杰. 麵包有d韌不過都算ok. 沙律就尚算新鮮, 不過應該係放咗喺雪櫃整定.
::: 煙三文魚, 煙肉, 甘荀及野菌炒天使幼麵 ::: $60
賣相係唔錯, 不過味道十足十茶餐廳炒米粉咁~ 煙肉唔香好似火腿~ 甘荀即係蘿蔔絲~ 野菌又好似碌熟冇乜味~炒天使麵味道真係好似炒米粉… 唯一可以嘅係煙三文魚, 不過原本個menu係蝦, 不過冇蝦所以用煙三文魚代替, 欠缺誠意… 整體普通, 似中多過西.
::: 燒法式鴨胸伴燒紐西蘭牛仔脾肉配青檸蜜糖燒汁配美國薯條及時菜 ::: $65
呢個更差! 首先, 完全唔明點解個名可以長到咁……
鴨胸瘦孟孟得幾塊我呀媽仲整得好食過佢! 牛仔脾賣相又唔靚又冇味, 個汁又淡, 真係食完睇番menu先知係青檸蜜糖燒汁, 嘅冇青檸又冇蜜糖味… 薯條時菜呢d主要都係填滿隻碟. 成碟野, 東一堆西一堆湊埋就算…
::: 心太軟 + 雪糕 ::: $28
終於都食到我地期待嘅心太軟~ 我地都覺得如果連個心太軟都令我地失望, 就一定俾喊面. 好彩最後都唔係太差, $28一件係可以叫做平添~ 做得真係好, 唔怪之得個個都推介~ 一切開, d漿慢慢流出黎, 有應有嘅杰度, 仲好甜~ 朱古力皮焗到好脆, 中間嗰層蛋糕軟綿綿, 成個都好好食~ 我地都好鍾意加埋雪糕一齊食, 又熱又凍, 有說不出嘅快感~
走嘅時候心情總算不太低落, 雖然餐廳環境衛生都唔合格, 餐牌主菜又唔好食, 心太軟就係挽回了這一餐飯. 我諗店主都係專心做心太軟啦. 另外, 希望能正視餐廳衛生嘅問題.
平心而言, 心太軟係值一個笑面. 如果為咗食心太軟而黎, 我估我地都仲有下次嘅.
Post
