Video
Read full review
2021-09-12
760 views
見到有咁多好評，於是book位同老婆去試吓啦，點知超級失望！我哋兩個都話食到有啲嬲！我哋book咗6:00，5:44到達，餐廳未有客人，有個男侍應開門俾我哋，問我哋有冇訂位。講咗佢聽後有個女侍應示意我哋坐去最入、廚房門口隔離，我心諗「唔通真係咁多人，book咗都要坐咁嘅位？」我哋坐低咗後真係接受唔到，一塊布之隔，望到入面有盤水喺地下，可能你會話「廚房梗係咁架啦！」我哋問可唔可以坐第二個位，同一個女侍應就話一係坐門口隔離嗰張。一係最入，一係最出？好啦，「可能」你多人book啦。我哋於是坐過去試吓，可以接受，於是安頓落嚟。老婆order一份澳洲M5黑毛和牛板腱，我就要美國金裝M9+ 和牛西冷，我「諗住」好味啲。Order完後冇人理我哋，當時餐廳得我哋喺度，冇其他客。等到上咗餐湯，我哋問係咪有沙律吧，先有人介紹有餐湯、沙律、日本珍珠米飯自己攞同埋任添。或者我要求高，所謂嘅沙律吧係一盒切好嘅蔬菜絲，然後側邊有一支現成大大枝嘅芝麻醬，就係咁。味道如何？(下刪二十字) 至於日本珍珠米飯又如何？(下刪二十字) 咁個餐湯呢？樓下有人話好足料(下刪二十字)。講埋個主菜，石燒牛扒，失望，老婆嗰塊M5仲有牛
我哋book咗6:00，5:44到達，餐廳未有客人，有個男侍應開門俾我哋，問我哋有冇訂位。講咗佢聽後有個女侍應示意我哋坐去最入、廚房門口隔離，我心諗「唔通真係咁多人，book咗都要坐咁嘅位？」我哋坐低咗後真係接受唔到，一塊布之隔，望到入面有盤水喺地下，可能你會話「廚房梗係咁架啦！」我哋問可唔可以坐第二個位，同一個女侍應就話一係坐門口隔離嗰張。一係最入，一係最出？好啦，「可能」你多人book啦。我哋於是坐過去試吓，可以接受，於是安頓落嚟。
老婆order一份澳洲M5黑毛和牛板腱，我就要美國金裝M9+ 和牛西冷，我「諗住」好味啲。Order完後冇人理我哋，當時餐廳得我哋喺度，冇其他客。等到上咗餐湯，我哋問係咪有沙律吧，先有人介紹有餐湯、沙律、日本珍珠米飯自己攞同埋任添。
或者我要求高，所謂嘅沙律吧係一盒切好嘅蔬菜絲，然後側邊有一支現成大大枝嘅芝麻醬，就係咁。味道如何？(下刪二十字) 至於日本珍珠米飯又如何？(下刪二十字) 咁個餐湯呢？樓下有人話好足料(下刪二十字)。
講埋個主菜，石燒牛扒，失望，老婆嗰塊M5仲有牛味，我嗰塊M9+ …… (下刪二十字)。係咪我燒得太熟？medium rare。
期間有兩個上咗年紀嘅大媽入嚟，冇訂枱，被安排坐我哋原本廚房側邊嗰張枱。過多一陣有一個外籍人士入嚟，佢一個人，都係冇訂枱，不過佢被安排坐去餐廳中間。之後有6個人入嚟，都係冇訂枱，但係都安排到座位。所以我哋被安排坐廚房隔離或者門口，完全同訂枱full哂無關，訂咗枱同最早到反而被安排坐咁嘅位！
呢個價錢，抵唔抵，你自己衡量了，我哋一定唔會再去，如果我有一日話要去呢間，唔該記得提我。
澳洲M5黑毛和牛板腱100g
$135
8 views
0 likes
0 comments
美國金裝M9+和牛西冷150g
$270
12 views
0 likes
0 comments
Post
