小時光 (Closed)

💛kt lunch排除萬難都要返工的觀塘社畜們，一返到公司已經等食lunch，同事領隊去支持良心食店，聽過小時光好幾年，但今次真係第一次食，食完我覺得要繼續支持！🔹台南鹽水意麵套餐 $58（雞翼、滷蛋、豆干、蘿蔔、海帶、豬耳）個便當超豐富！凈係滷水拼盤都已經好多，全部都滷到入晒味，豬耳keep到彈牙～鹽水意麵係用咗鴨蛋整，雖然食唔出同雞蛋嘅分別係邊，但個麵好食！非常吸汁，啲肉燥多到幾乎一比一咁滯，可以撈到成碗都係肉粒。另外仲有小菜水果，個麵食到一半可以加菜甫增加口感，加埋杯台式奶茶，完滿了。btw 筷子好qq