板長壽司 (Closed)

系尖沙咀行咗好耐好攰，晚黑決定食板長。之前一直聽朋友推薦呢度嘅刺身，今次都試咗一下。食材確實唔錯。壽司味道都ok..入門口嘅時候仲有小機關~！系海港城過去會近啲，ipad可以直接點菜~~不過自己唔系好習慣。點咗88蚊嘅三種刺身拼盤，有三文魚、元貝同甜蝦，最愛嘅元貝足足有六大舊，又肥又厚，食得好爽！太幸福啦，三文魚同甜蝦食起身都好新鮮仲點咗安康魚肝壽司，上面好大一舊魚肝！！不過對呢啲動物嘅肝類唔系太歡喜，口感就好似豬肝。火炙和牛壽司、大吞拿魚魚腩壽司、油肝魚海膽壽司....點上嚟嘅時候先發覺全部都系紅色嘅肉總體嚟講一般般，和牛唔會好嫩，火炙嘅唔系好推薦米飯有啲鬆散。