大公別館

Open Now

Now Closed

位於D2 Phase一期10樓既大公別館，就在🚇荔枝角站D2出口，行左5️⃣分鐘唔駛，好方便就去到。去到唔駛煩，叫左個火鍋set，湯底一邊辣，一邊唔辣，肉就係兩款牛肉 - 本地牛&美國和牛、四寶丸、鮑魚雞粒餃，手打魚腐；菜就有唐生菜、千層枝竹、豆腐紙、淮山麵；甜品就係金箔芝麻卷。另外，仲點左菊花茶，解油膩啱晒。牛肉係真心好嫩，好好食，所以四個人係唔太夠食呢 四寶丸顏色算豐富，同樣地，如果可以每人一粒就好啦手打魚腐同鮑魚雞粒餃都好味，餡料都足。✨✨而最為我地欣賞係豆腐紙同淮山麵，口感好正🌟；淮山麵好爽口🌟；時蔬係唐生菜，睇得出佢地係有心揀過既，但份量就似一人量😅千層枝竹在其他地方無食過，所以呢個好特，好多層，不過要煮耐d先可以食。😽金箔芝麻卷就係貴氣，大家睇相都一定感受到啦😆最後埋單人均$400左右。