喜客比薩 (Closed)

我係一個好喜歡食美國菜既人，咁岩有次去沙田食野，見到好多人食Shakey's Pizza Restaurant，諗住試下啦，點知一試就愛上啦，真係好好食呀。蕃茄肉丸蕃茄味好濃呀，同埋用鮮蕃茄，幾好食。肉丸都唔錯，唔會好韌，都算彈牙，唔錯。豬肋骨呢個超好食，肉質嫩滑，好稔，一d都唔乾。而且有肉，唔係只係得條骨，個醬汁都超好食，好惹味，最難得係個面有dd乾，脆脆地，外脆內嫩，好食到停唔到，推介呀。喜客至尊Pizza好鍾意個餅底，夠香夠脆，有芝士味， 料都算多， 個pizza底邊脆，但中間又唔會焗得太硬太燶，好食過pizza hut 好多好多，之後我都冇再食過pizza hut呀。總結，我真係好推介呢間既Pizza同豬肋骨，真係超好食，個Pizza我見佢地係自己整出墁，唔係買現貨，真係做得好好。環境係唯一唔好，太迫啦，又嘈，根本傾唔到計，我覺得去tst個間好好多，不過唔知點解相對野食又冇咁好wor，真係矛盾呀，但anyway，我都係推介既。