Video
Read full review
2024-04-20
353 views
以前出差內地，同事總會帶我地去食地道農家菜，唔係旅行團去食嘅圍餐，喺本地人自己真係會出去食嘅個種。對於呢一種土菜，我既印象係份量多，簡潔，熱辣辣同一定要配白飯。今次岩岩喺香港食到呢間湘味土菜，唔單止食到以上既風味，而且環境仲比本土更加乾淨，更加可以食到季節性既材料。 🍖如果日本春天一定會見到櫻花，湖南個邊就一定會出產樁菜，不時不食，以季節食材入饌，簡單做個炒蛋，雞蛋炒得好香，同埋白飯一齊食，簡單，但係就美味到不得了。以前成日聽蔡瀾講，要知道一間餐廳好唔好食，最好嘅方法就係俾隻雞蛋佢整，就知道龍與鳳。 🍖另一樣季節食品就係春筍，筍一年就得個幾月食得，其他時間就算搵到，都食唔落口。果然，無渣，爽脆，仲可以有咩要求？有，就係佢配搭 D 咩食材一齊炒？個臘肉好正，尤其鍾意肥肉部分，好香又唔油，而且仲有好強煙燻味，再加上恰到好處既辣椒配搭，呢味菜喺我全日最鐘意。 🍖最後就係佢既雪豆酸菜肉碎。呢味就係炒粒粒既模範。雪豆少少甜，肉碎咸咸地，放落口咬幾啖，唔洗點咀嚼，呢啲就係家常飯嘅特色，健康嘅唔止係食材，仲係養胃，大魚大肉往往總會加重消化系統既負擔。 🍺✨️其實全部食物份量都好大，點知連檸檬茶都大成咁
🍖如果日本春天一定會見到櫻花，湖南個邊就一定會出產樁菜，不時不食，以季節食材入饌，簡單做個炒蛋，雞蛋炒得好香，同埋白飯一齊食，簡單，但係就美味到不得了。以前成日聽蔡瀾講，要知道一間餐廳好唔好食，最好嘅方法就係俾隻雞蛋佢整，就知道龍與鳳。
🍖另一樣季節食品就係春筍，筍一年就得個幾月食得，其他時間就算搵到，都食唔落口。果然，無渣，爽脆，仲可以有咩要求？有，就係佢配搭 D 咩食材一齊炒？個臘肉好正，尤其鍾意肥肉部分，好香又唔油，而且仲有好強煙燻味，再加上恰到好處既辣椒配搭，呢味菜喺我全日最鐘意。
🍖最後就係佢既雪豆酸菜肉碎。呢味就係炒粒粒既模範。雪豆少少甜，肉碎咸咸地，放落口咬幾啖，唔洗點咀嚼，呢啲就係家常飯嘅特色，健康嘅唔止係食材，仲係養胃，大魚大肉往往總會加重消化系統既負擔。
🍺✨️其實全部食物份量都好大，點知連檸檬茶都大成咁，依個亦都體現到農家菜好客本色，客人食得滿足，先至會再返黎。
依家香港人成日話返大陸食野，我覺得黎度性價比絕對比得上老遠走去既深圳，大家一齊留港消費啦!
Post
