三希樓 (Closed)

成日都會去時代廣場食嘢，近排發現咗一間新嘅嘢食，主要係食川菜嘅，鍾意食辣嘅我即刻約埋朋友一齊去食。最主要我竟然見到嗰度有剁椒魚頭食，即刻吸引到大增。你到先叫咗杯嘢飲先，驚一陣辣到飛起早嘛，叫咗蜂蜜火龍果沙冰，唔會太甜但係又有火龍果味，refreshing ，又可以解辣。主菜方面梗係叫我想食好耐嘅魚頭，$258姐，價錢合理，乳頭上面會有少少紅椒鋪着，旁邊會圍住好多辣椒，見到都流晒口水七彩繽紛。味道方面辣得過癮，個魚頭都好多肉特別係啲魚雲最好食。另外都叫咗其他小菜，好似紅油抄手，流沙包，石鍋田雞咁樣。當中流沙包同埋石鍋田雞都非常之推介，流沙包爆曬汁，石鍋田雞都好惹味平時唔敢食田雞但係今次個田雞真係幾好食。