時代冰室 (One Madison) (Closed)

同friend出開長沙灣食嘢，午餐時段都比較難搵位。諗都唔使諗，去老地方時代冰室，就實有位喇。呢度空間比較大，就算要分枱坐，都唔使等好耐。今日叫咗一個常餐，另一個係超級邪惡肥仔嘅 芝士焗豬扒飯（加凍奶茶）。 一如以往，時代雖然係間普通茶記，但味道仍然係高質之選。加上佢嘅份量多，有時明明嗌咗少飯，都依然會有好多飯，而且賣相都會令人滿意。常餐味道正常，外送一個牛角包。鍾意佢嘅火腿炒蛋，切開仲有蛋汁，非常嫩滑。豬扒餐極極極肥，但係正嘅！豬扒厚切，醬汁滿瀉 。加埋呢啲帶有拉絲效果嘅芝士都鋪係面，中間仲攝咗嚿同茄汁、豬扒味道超夾嘅菠蘿。我都係唔講咁多XDD 食啦~