Video
Read full review
2020-07-05
6940 views
6⃣️個妹子夾好時間去考公司例行測驗，考完試又難得聚首一堂緊係直落食個飯喇。📌落到銅鑼灣，午飯時段又要坐得好傾到計，時代廣場一定係不錯的選擇。熊妹就推介下呢間位於8樓食韓國fusion菜的《banchan & cook》。📌午飯時段都人頭湧湧，可想而知都幾出名，好彩咁岩唔洗等有張大枱。📌午餐menu都好多選擇，有招牌菜蛋包飯、沙律、三文治、咖哩飯、鰻魚飯、意粉、漢堡包、仲有小食料理，話明fusion菜真係包羅萬有。📌飲品方面都有提供沖調咖啡、水果茶、特飲，都幾切合香港人口味。📌妹子們有大食有細食，每人點一份再開心share ，多人聚餐最好就係咁喇。安格斯牛肉漢堡配炸薯條，$82📌熊妹首當其衝揀左心頭好先，其實熊妹不嬲都喜好漢堡包唔好飯，所以有得揀一定會試下漢堡包。賣相好似幾掂，好大一個，好厚一塊牛肉漢堡，有芝士片，蕃茄片，洋蔥圈同生菜做配料。配撘正常，就要睇主角味道喇。見佢咁厚一塊，份量分攞足喇，急不及待試下肉質如何，确實有點失望，肉質比較鞋口，漢堡的靈魂就係塊牛肉排鬆軟的滋味，應該係煎得過度，令牛肉有點硬實，所以係比較難入口，今次呢個漢堡就麻麻喇。薯條係粗身，炸得熱辣辣，配兩款點醬，茄汁
📌落到銅鑼灣，午飯時段又要坐得好傾到計，時代廣場一定係不錯的選擇。熊妹就推介下呢間位於8樓食韓國fusion菜的《banchan & cook》。
📌午飯時段都人頭湧湧，可想而知都幾出名，好彩咁岩唔洗等有張大枱。
📌午餐menu都好多選擇，有招牌菜蛋包飯、沙律、三文治、咖哩飯、鰻魚飯、意粉、漢堡包、仲有小食料理，話明fusion菜真係包羅萬有。
📌飲品方面都有提供沖調咖啡、水果茶、特飲，都幾切合香港人口味。📌妹子們有大食有細食，每人點一份再開心share ，多人聚餐最好就係咁喇。
安格斯牛肉漢堡配炸薯條
$82
68 views
2 likes
0 comments
📌熊妹首當其衝揀左心頭好先，其實熊妹不嬲都喜好漢堡包唔好飯，所以有得揀一定會試下漢堡包。
賣相好似幾掂，好大一個，好厚一塊牛肉漢堡，有芝士片，蕃茄片，洋蔥圈同生菜做配料。
配撘正常，就要睇主角味道喇。見佢咁厚一塊，份量分攞足喇，急不及待試下肉質如何，确實有點失望，肉質比較鞋口，漢堡的靈魂就係塊牛肉排鬆軟的滋味，應該係煎得過度，令牛肉有點硬實，所以係比較難入口，今次呢個漢堡就麻麻喇。
薯條係粗身，炸得熱辣辣，配兩款點醬，茄汁同蛋黃沙律醬，兩款都夾。
韓式炖牛肋骨飯
$95
139 views
0 likes
0 comments
呢款味道幾唔錯。炖牛肋骨係韓國傳統菜式的一種，所以精髓在於牛肋骨的軟淋程度同醬汁的味道。兩者都達到標準水平，牛肋骨肉嫩口，醬汁偏甜味濃，撈上韓國珍珠飯底，唔好飯的熊妹都嚐了幾口，唔錯。
青醬大蝦意粉
$96
45 views
0 likes
0 comments
以為青醬至在調下色，原來係好特別的味道！類似青草味但又唔好抗拒的味道，呢種味道唔係可以用甜酸苦辣咁簡單去形容，係佢本身獨特清新的味道，會令人愈食愈想繼續食，簡簡單單咁撈上扁意粉已經回味無窮。
中間仲擺上一隻切開了的大蝦🍤，調味好後煎香，肉質好彈牙，調味唔濃再帶出蝦的鮮味，煮法唔錯。
咖哩炸豬排飯
$158
64 views
0 likes
0 comments
好大一碟炸豬排飯，飯量佔一大半，咖哩汁唔辣，但唔多，唔夠撈飯，無汁好難食落去，唯有剩低了。
吉列豬排炸得好鬆化，炸皮唔太厚，豬肉肥瘦均勻，爽口的豬肉帶一點油脂，來自北海道四元豚肉🐷係唔同啲。
韓式馬鈴薯泡菜煎餅
$68
41 views
1 likes
0 comments
紅噹噹的泡菜餅顏色好吸引，食落唔算多泡菜，都無咩泡菜味，即係唔辣。麵粉皮較多去搓成呢個餅，要點上跟上的辣椒魚露比較好味。
蜜糖薯條配炸牛油果
$68
72 views
0 likes
0 comments
薯條粗身，蜜糖味唔知去左邊，同樣地跟上茄汁同蛋黃沙律醬。牛油果原來係面頭兩件小小的，炸起幾好味，但份量太少，六個妹子每人分得一啖。
📌整體黎講，乾花怖置的環境靚靚，坐得幾舒服，六個妹子點左四款主食，兩款小食，都填飽肚肚的，人生好難，肚子好餓，知己難求。
Post
