串串燒 by Season (Closed)

門口見到串燒價錢ok原本一心只係唸住食串燒，點知變左任飲，哈，因為真係真係太抵，完全係當年（講緊十幾年前），百幾蚊任飲what? 仲要係任飲清酒，真係抵到爆，我心諗我叫兩杯都要呢個價錢，梗係任飲抵啦。串燒質素好好，牛舌同埋雞翼都好入味，雞俾肉我食到停唔到口，總共食咗六串係咪好過分？哈哈用來送酒必食燒雞泡魚干，同枝豆，仲有超香牛油味的粟米，用佢哋嚟送酒，我又飲多咗幾杯啦，哈哈油金魚餃勁大舊，外皮燒到脆卜卜，入面魚肉好滑，好好味。燒菠蘿做甜品，佢可以燒到外皮焦糖脆皮，真係好似一個甜品式生果。晚市至到10點，我哋足足食咗三個幾鐘，任飲3小時紅都面晒，點都要再講多一次，真係非常之抵。