石籬粉仔

Open Now

Now Closed

懷舊的味道，亦係兒時讀書的味道，記得中學時代…放學後幾個同學會去石籬舊街市食碗“狗仔粉”，或者去附近士多買支孖條，街邊篤串魚旦。而家呢間“石籬粉仔”離開左個舊街市，去左石籬商場對面，呢間地鋪，環境同位置都唔錯，鋪仔細細，但坐位都唔太迫。今次…我係受朋友(舊中學同學)所託，買外賣去同佢地大家一齊食。我就用左外賣平台點餐，訂了外賣自取，因為有折扣優惠8折。🤭(1) 招牌粉仔(細)，以前會叫狗仔粉，食落味道同以前唔同，可能無左以前快樂時光的味道，但其實味道都一樣仲好好味。(2) 生菜魚肉湯(細)，我要多胡椒粉架，正！👍🏻(3) 燒賣，一份十粒，👌🏻OK啦。辣椒油要分開上，個辣椒油好正。(4) 陳皮魚旦，一份十粒。👌🏻OK啦無試到個鮮榨椰汁&自家製豆漿，下次有機會再試。