Bull In

Open Now

Now Closed

Item: Bull In
Rating: 4
Author: 奧志雷

Tai Po

$51-100

International Bar

奧志雷

Level4

2.1K

Read full review

晨早十點出門，先到大埔蔡潤記、大埔鐵打、尖沙咀剪髮、旺角買波鞋、上水放低野、大埔攞帖、尾二站係度買外賣，最後就可以直搗尾站將軍澳晚飯喇！連拳都無心機操，飲酒罷啦！星期六見，不同陣營都不想見到受傷不想見到流血，目標只係政府﹗點解門口盞燈要倒轉射既，風水？原來係會轉架喎。專登打電話要主廚趕返黎煮理，真係唔好意思啊 ﹗主廚稱將會另有發展，祝大展鴻圖﹗

砌足整晚十三張最大只得無蛇骷，想飲死朕咩！都係轉去唱歌仔好過，印象中已飲四杯還是五杯？先來首老了十歲熱熱身，接住春秋、瑪利奧派對、人車誌、離開以後，收工﹗完全斷片 AI 全自動人工智能啟動，仲識繼續飲飲食食，到底點返屋企架呢？每次都斷片 ﹗都話唔好比酒我飲咯，兩支定三支，到底我點返屋企呢？斷片正常不過，消耗左幾多支呢？兩支？三支？不斷片不收費﹗

青島啤酒，味道怪怪的青島，都係飲健力士穩陣。Asahi 朝日生啤，不知道為何怪怪的味道，我一向都鍾意飲架喎。暴飲暴食減壓第 1 站，食飽再諗行程。Guinness，罐裝震震泡健力士還可以，飲得多就會習慣。無限輪迴，無限斷片。冰鎮健力士，事關啤酒不夠凍，唯有用自己方法解決。敏姐秘製雲霧健力士﹗

House white wine，免強入到口，不喜歡的甜及澀味。行程緊密 ﹗Terredirai，好酸酸酸幸好不澀，幾乎飲不到酒味。芝華士積丹尼馬天尼雞尾酒後，繼續自隊。Lande De Berta，清爽有點酸有點鞋口不幼滑，不適合我。

Malbec，兩粒星左右，厚身淡口帶澀。Chateau Mayne Cuyon，淡茂茂薄衣衣無味道。葡萄酒梗係配豬大腸啦，好快可係葡萄樹下得道﹗Glenfiddich 12 years, 麻麻地還入到口，個人喜歡 18 年的。

炸雞軟骨，還以為不會落粉炸，所以要求炸得乾身一點。奈何有落炸粉呢，堅夠乾身變到柴皮一樣，沒有雞油沒有味道，食餅乾一樣。椒鹽雞軟骨，香香脆脆，咬到卜卜聲過足癮 ﹗乾爽不油膩，咸辣度適中惹味舒服不膩。酥炸雞軟骨，比較喜歡簡單粟粉薄薄一層炸得乾爽不油就夠咯 ﹗現時脆漿厚厚麵粉味比軟骨味更濃，浸喼汁酸酸甜甜，脆卜卜可口得多。

家鄉炒米粉，從小我已對米粉麻麻，食落雖然無鑊氣，不過真心炒得非常香口甜美。濕濕的但好好味，雜肉咸肉土魷搭鮮魷百味融合，辣椒油辣椒醬都可以慳返啊﹗

香辣雞絲粉皮，招牌推介 ﹗足料涼浸浸，自家秘製混醬有高水準，香辣兼備醒神醒腦，秘方味道豐富，好味過多間廣東或上海菜館，越食越想食
﹗粉皮彈滑完整可以一氣呵成掛著醬汁啜晒入口，非常有快感，幸福滿足﹗大量秘製醬汁豪氣地鋪滿粉皮上，密不透風完全淹沒，霸氣滿分﹗

瑞士汁雞中翼，甜蜜蜜太過甜，醃味濃濁。雞皮膠黏，肉質乾硬。特式炸雞中翼，什麼特式呢？頗厚麵粉脆漿寡寡地，脆身但黐牙，咬開高溫熱力噴出，白肉嫩滑，肉汁滴滴。蜜糖燒雞中翼，出乎意料超水準烹調 ﹗皮脆肉嫩充滿焦香及肉汁，雞皮黏滑微脆，白肉嫩滑雞汁滴滴。豉油皇雞中翼，肥美啖啖肉大大隻，新鮮嫩滑雞汁滴滴，入口便知龍定蟲 ﹗熟度剛剛好無過火，不乾不霉，豉油皇醇香不濁，甜美的特上雞中翼。

泰式生菜包，港式生菜包是也 ﹗微弱的辣味及香料味，酸汁青檸炒肉鬆，用爽脆生菜捲住食都蠻可口的。蒜片安格斯西冷牛粒，滿心歡喜滿以為西式乾炒，誰知來的是中式濕炒，完全估您唔到 ﹗鬆軟牛粒熱力不太平均，有數粒仍是凍冰冰喎。吃不到的蒜味，只有甜甜醬汁，彩椒反而每粒清甜爆汁熱辣辣。

爆炒雞腎，辣汁洋蔥炒夠鑊氣，薄切爽脆掛汁力強，辣汁味濃惹味十足，三四塊一齊入口更好味道，爽口洋蔥太生受不了。碳燒牛仔骨，海鹽黑椒作調味，不能太咸的我免強頂得住。百份百全熟，乾韌味濃偏鞋，陰沉牛味不鮮，馬馬虎虎。碳燒新西蘭羊架，超級肥騰騰食到成口油 ﹗大量肥膏要咬掉，肉質韌韌鞋鞋不夠嫩，落味重手太咸。

碳燒牛脷，頭兩碟腍劈劈比牛腹更腍，完全不爽不彈不香，無牙都食到 ﹗醬太甜似照燒醬，汁濃膩滯平凡悶悶。第三碟終於達到要求 ﹗燒得通透熱騰騰，外層兩面同樣焦香，外脆內軟綿綿，牛脷陣陣羶香加醬油甜味。碳燒豬頸肉，即燒滿有誠意，鮮味鬆軟微爽，碳燒焦香，肉汁滴滴，醬汁清新得宜。冷氣強勁要急急食，必須趁熱食，放涼色香味即時下降。其實可以排得更精緻更美觀，賣相靚靚仔仔更能增進食慾。

炸魷魚鬚，得得得掂掂掂 ﹗鬆化脆漿不硬不刮嘴，黏得緊扣不會剝落，跟魷魚齊趙十分香口，鮮魷鮮甜爽爽，高質的烹調﹗不斷不斷還需斷，頭場已斷片，竟然再飄去第二場。烤魷，並不是食開的手撕土魷呢？現成魷魚絲叮叮出貨，完全兩回事，就算沾點山葵豉油都無保於事。烤雞泡魚乾，遲遲都未到步，原來堅有烤過，唔係微波叮，製作需時有誠意，甜甜香口嚥韌，助酒良伴。

炸一口午餐肉，遠睇似豆腐，非常乾身非常香脆，沒半點油膩，怪您過份乾咸，滾上茄汁更醒胃。辣肉腸芝士薄餅，師傅即搓即焗，鮮焗不是雪藏翻熱，誠意可加，還要係我喜歡的薄脆餅底。新鮮出爐非常燙手，毫不吝嗇投入厚厚芝士，黏黏半溶拉絲拖著品嚐，酸甜茄汁混咸香芝士，宇宙間最棒的組合，還有強咸辣肉腸，辣味走到哪裏了？炸一口午餐肉辣肉腸芝士薄餅，自製二合一更有趣味 ﹗極咸午餐肉滾上極大量茄汁都只能減輕少少咸度，無所不用其極﹗用芝士薄餅捲著咬，感覺好一點點。

黑松露巴馬火腿薄餅，肯定不是翻熱翻叮食物。鮮氣飄飄，薄薄乾爽脆卜卜餅底，盛著芝士茄汁。凍白巴馬腿有著松露醬芬芳，拼合味道略為清淡，加點辣椒仔汁，酸酸辣辣立即生動立體晒。

XO 醬午餐肉炒出前一丁，方粒午餐跟出前一丁格格不入，不容易捲著齊齊享用。乾煎午餐肉外脆內實，咸香濃厚。而炒麵乾爽滑彈好功夫，不濕不腍落味得宜炒得好。雜錦炒烏冬，日式金菇肥牛炒稻庭烏冬，本想碳燒豬頸肉撈日式炒稻庭烏冬，但珊珊來遲呢 ﹗消滅所有烏冬碟豬頸肉都未到，竟然鮮煮即燒，那我原諒您啦！我都估到可能會有洋蔥及蔥段及芽菜，最終都係忘記走掉 ﹗幸好只有洋蔥而且粗條容易挑走，無可口非有洋蔥會更香更甜，我要那種氣味但我唔食的呢。炒得均勻熱烘烘，每條烏冬都徹底沾上芬芳醬油，充滿彈性及米香的烏冬夾著爽甜金菇濃味肥牛，暢快豪氣大啖塞，還想加點辣椒醬，但我己被原汁原味所深深打動，迅間全滅清得乾乾淨淨，除左洋蔥﹗

金菇肥牛卷，經濟實惠 $60 蚊。明顯即叫即製，不是預製的雪藏貨，不是雪死陰沉沒生命的味道。生動鬆軟的肥牛，爽甜脆口的金菇，黏厚甜醬油芡汁包著享用，骨骨骨無可否認的美味。

煎釀三寶尖椒紅腸茄子，點只 5 星咁簡單呀！如果 100 分滿分要比足 120 分。師傅誠意爆燈的煮理，真煎釀三寶，即叫即釀即煎無欺場無偷懶，食材新鮮真材實料，兩面慢煎均勻至高溫全熟﹗並不是馬虎撻劈魚漿麵粉掉去油爐炸，亦不是半熟油淋淋炸味濃濁的產品。

魚蓉堅百分百鯪魚肉，厚厚的卜卜的釀在食材上。鯪魚膠膠彈彈味鮮清香不腥，街邊低檔麵粉團，酒樓紙薄水水魚肉，無可能相題並論。尖椒保存少量椒籽滲出微辣，脆爽尖椒配辣味魚肉刺激醒腦。紅腸厚切肥美更多香甜腸汁射出，兩面焦香舔舔脷。茄子綿爽多汁不油膩，不硬不青味。最後淋上 XO 醬芡汁，提味提鮮極致，全部收到肚裡去，無法挑剔，我投降了！最衰只可以給 5 粒星，有 10 粒比 10 粒呀﹗

醬油生醃螄蚶，多謝傑哥千里迢迢從神州帶回跟大家分享 ﹗豉油味重也不失鮮味，爽脆濕潤。醃法跟大埔街市不同，這款醬油生醃，大埔街市用大量蒜頭浙醋。西班牙黑毛豬火腿 48 個月，黃埔手信，山長水遠送到跟朋友們分享 ﹗咸鮮甘香，嚼勁十足，油脂豐富甜甜肉味。白灼花竹蝦，大元街市價 $220 蚊極生猛游水紮紮跳，隻隻最少 5 吋長啊 ﹗肉爽甜彈，膏香甘甜，無得頂﹗

薑蔥炒海蟹，來貨 $110 蚊。青蔥熟透芬芳，索埋海蟹精華汁液，好好味 ﹗似足韮菜爽嫩可口，沒一絲腥嗅，蔥白就免喇，我真的吃不消﹗蟹肉嫩滑不老，充滿蟹甜味道，蟹汁微滲，夾雜薑蔥香氣，非常滿足﹗豉椒炒沙白，物超所直 $40 蚊。青紅椒兩者爽甜多汁，微辣惹味，沙白肥美飽滿，趙落滑溜嚥韌爆汁，連環食停不了。

上湯焗波士頓龍蝦，街市澳龍太細隻沒怎樣肉食，唯有揀波士頓龍蝦。兩隻龍蝦都只得兩斤多少少，免強夠食。走過油的龍蝦件味道更香口，氣味更芬芳，高湯提鮮，蝦肉爽甜彈彈彈，啜得開心暢快﹗

Bull In Open Now Now Closed

Bull In

Open Now

Now Closed