喜惶點心專門店

Open Now

Now Closed

以前飲茶食點心都係日間既活動，但隨住點心專門店🫖相繼開張，夜晚都可以一盅兩件，慢慢飲茶吹水。蟹肉菜苗燒賣 $32蟹肉🦀用左蟹柳，咬開入面係🐷豬肉蝦肉燒賣，餡料都好實在。晶瑩鮮蝦餃 $35蝦餃外皮好薄，🦐蝦肉都好飽滿，上台時熱辣辣。醬皇金錢肚 $30佢個醬係好入味，但啲🐮肚唔係平時茶樓咁淋，係爽同少少韌。底下既白蘿蔔都係普通。蔥花炸兩腸粉 $26腸粉皮厚薄適中，入口好軟糯，唔會好粉好實。包裹住既炸兩都算脆口，係略嫌有少少凍左😣。同埋唔知點解搭左兩條甜豆。籠仔荷葉北菇蒸雞飯 $40望落啲米好濕，初初都好驚會糊口，攪拌完之後其實一啲都唔會，尚算粒粒分明🍚，吸收哂北菇雞🐤同荷葉🌿既香味。而雞件入味得黎，肉質都好滑，整體有驚喜。