牛一 (屯門市廣場1期) (Closed)

今晚同仔仔2人第一次食牛一，價錢由每位$148至$348不等，主要分為美國肥牛，澳洲和牛，特選日本和牛或極上日本和牛等; 湯底方面有多至8種，基本上2個人1個鍋。我哋選擇$298特選日本和牛及昆布清湯，牛肉賣相唔錯，雪花均勻，雖然未能做到入口即溶，但質感亦算淋身，至於湯底方面，靚牛肉配清湯最夾，昆布清湯味道清甜，容易帶出和牛本身鮮味，由於係放題關係，還有不同配料提供(多款醬料，菜，菇類，豆腐，烏冬。。。。)，飲品方面汽水機汽水，盒裝檸檬茶及罐裝啤酒，我哋食咗60分鐘已飽飽，剩餘時間用嚟食雪糕，雪糕乳酪唔太甜而且配料多，小朋友食得開心又好味，慢慢食晒埋單時間啱啱好，滿足的一餐。