Video
Read full review
2016-02-12
242 views
今日同老爸睇完早場，之後有個空檔，就去嘆個午餐！走到重慶大廈旁邊嘅WH廣場，一間半開放式嘅咖啡店Espresso Alchemy，行入商場，好容易察覺到呢陣咖啡香味，時間大約12點快到lunch time，見食客未算太多，座位也為OL預備好，午餐價錢由$49起，有三文治、意粉、All day breakfast等，當時有免加一服務費。餐廳而灰色水泥牆身，深啡色木地板作裝飾，用上暗黃色烏絲燈膽，提供一個溫暖角落，另外，餐廳牆壁上有四個符號，店員話俾我哋聽，呢四個係代表咖啡嘅元素，由左至右係水、精華、糖、奶，大家互相緊扣着缺一不可，簡單一句問一問，真係可以學到好多野！網上得知Espresso Alchemy的專業團隊由香港唯壹的Q-Grader咖啡烘培師、世界咖啡師大賽(WBC)資深評委，以及經驗豐富的咖啡師聯合組成，從咖啡豆的采購、烘培到萃取進行全面把握，堅持只做最好喝的咖啡。Alchemy製作咖啡豆工房同時係香港知名嘅專業咖啡館的咖啡豆提供商。而餐廳卡片上，亦有咖啡製作工房嘅元素符號，係代表鋼、燃料氣體、熱力、精華，讓店家生產出嘅一流咖啡豆。炸薯條配松露蛋黃醬 $49我食咗啲早餐未有太
餐廳而灰色水泥牆身，深啡色木地板作裝飾，用上暗黃色烏絲燈膽，提供一個溫暖角落，另外，餐廳牆壁上有四個符號，店員話俾我哋聽，呢四個係代表咖啡嘅元素，由左至右係水、精華、糖、奶，大家互相緊扣着缺一不可，簡單一句問一問，真係可以學到好多野！
網上得知Espresso Alchemy的專業團隊由香港唯壹的Q-Grader咖啡烘培師、世界咖啡師大賽(WBC)資深評委，以及經驗豐富的咖啡師聯合組成，從咖啡豆的采購、烘培到萃取進行全面把握，堅持只做最好喝的咖啡。Alchemy製作咖啡豆工房同時係香港知名嘅專業咖啡館的咖啡豆提供商。而餐廳卡片上，亦有咖啡製作工房嘅元素符號，係代表鋼、燃料氣體、熱力、精華，讓店家生產出嘅一流咖啡豆。
炸薯條配松露蛋黃醬 $49我食咗啲早餐未有太大胃口，但一見黑松露醬薯條，食慾就湧出來，送上時見份量都唔少，而且新鮮炸出，拎上手一陣熱氣，咬落好脆身，再點一下黑松露醬，濃郁香氣停留佢口裏面。
留意到前幾年，黑松露嘅菜式係好昂貴嘅，只係少數西餐廳有供應，而且配搭唔多，令當時都未能嘗試，見書本介紹到黑松露嘅食法時，都提及都要用熱嘅食物，例如意粉或煎蛋，去令黑松露香氣變得更突出，直至上年，黑松露嘅菜式變得普及，而最親民嘅配搭就係薯條配黑松露，用剛炸好熱力十足嘅薯條，去配搭較冷嘅黑松露醬，呢個陪搭簡直天衣無縫！
炸薯條配松露蛋黃醬
$49
24 views
0 likes
0 comments
Cold brew $55冰滴咖啡，係我其中一種最愛嘅沖製方法，用慢嘅速度、長時間提取出咖啡中嘅精華，大概要一個木𣕧，上面嘅玻璃瓶放冰粒，等待佢哋慢慢溶化，向下滴落咖啡粉中，等佢慢慢通過咖啡層，由窄小嘅管道再落到玻璃瓶，整個過程要用上八到十小時，才能得出幾杯嘅份量，飲落順滑，咖啡味道帶有果酸香氣，焦糖味也隨着滲出，口感同味道，跟要用熱力做出嘅咖啡飲品截然不同！
Cold brew
$55
24 views
0 likes
0 comments
黑椒牛肉配芽菜絲蜜糖芥末醬麥多士 $49今日都特別用心，拍下幾張嘅食物相，因為鍾意分享好嘅食物，由一開始寫第一篇食評，我就堅持只用單反相機去影相，令網上平台瀏覽到嘅朋友都會覺得吸引，而睇到我哋介紹到餐廳用膳，對餐廳也帶來好處！
我哋就簡單點左一份黑椒牛肉多士，意想不到中間嘅沙律份量都好足夠，喝下幾杯水都好飽肚呢幾日新年大時節，都食咗唔少，儲左一啲小脂肪，大家不妨食啲沙律清清腸胃，如果唔係，聽到人哋話你肥咗咁就喊都冇用啦 哈哈。點餐嘅時候，都怕芥末味會太突出，令我食落攻鼻，好彩店家細心再調製過蜜糖與黃芥末醬，大家各展所長，讓食落帶點甜味，芥末有小小熾辣，食得過癮！
黑椒牛肉配芽菜絲蜜糖芥末醬麥多士
$49
8 views
0 likes
0 comments
店家係香港島也有另外兩間分店，努力做好咖啡與食品，提供到同樣愛好咖啡及食物食客。平均消費 $82/位，2位，2份輕食 + 1杯飲品
Espresso Alchemy
星期一至日: 10:30-22:00
尖沙咀彌敦道36-44號WK廣場36號舖
Tel:2721 1138
分店：鰂魚涌、北角
Post
