上海婆婆 (上水廣場) (Closed)

晚上六時半, 約左幾個朋友一齊開飯想搵一個可以坐耐少少地方, 傾下計所以就搵左上水廣場呢個上海婆婆職員安排好入座後, 開始慢慢睇菜單大概都係小食、炒飯、炒麵、湯麵基本上都係合適香港人口味因為我地都係唔太習慣食太濃味的食物,但如果你係上海人, 食慣濃油赤醬的話, 可能就會覺我唔太正宗但反正而家人人個注重健康, 所以食物方面我地係OK的!今次點左四個菜先講婆婆粗炒唔好俾佢個顏色嚇親, 佢個味道唔係大家想像中咁濃所以值得一試, 當然呢一D炒麵, 油份一定要落得多先炒得起, 無辨法啦, 一次半次應該無問題!另外呢個黃金炒飯, 一聽就知道係同咸蛋黃炒飯喇我就覺得味道太淡, 食唔太到D咸蛋黃香, 或許可能係咸蛋黃唔夠多呢一款係小食--花雕醉雞 同埋 雪菜肉絲炒年糕花雕醉雞係滑的, 唔會有雪味. 花雕淡淡酒香, 加埋一齊係十分夾!年糕都係十分煙UN, 唔會痴牙炒得剛剛好, 三人食完就岩岩好, 如果可以大家可以試多D小食, 因為炒麵炒飯真係會食得太飽