早安越南 (Closed)

今晚本來約左朋友一齊吃飯談心，點知朋友要加班，只好自己一個撐枱腳！喺黃埔美食坊行咗一圈，雙腳都係不經不覺行返去早安越南！之前嚟過一次，真嘅很想念熱騰騰嘅金邊粉！營營役役嘅工作壓力咁大，就等美食成為我嘅心靈雞湯！自己一個都要食得豐富啲！火車頭湯金邊粉＄88 :大大碗裏面有牛柏葉、牛筋、牛腩、肥牛等，非常足料。每一款嘅火候掌握得剛剛好：牛柏葉爽口，牛筋彈牙，牛腩肉嫩，肥牛入口即溶，成碗都充滿牛氣，非常美味！湯底很鮮甜，用足心機去淆製👍👍金邊粉軟硬適中，分量充足，吃飽飽很快樂！去親食越南野，我最喜愛嘅係生菜包。所以，決定點來試一試。香辣肉鬆粉皮生菜包＄83:生菜包有粉皮真係第一次食，粉皮加上肉碎和生菜確係有一份清新感覺。總括而言：這裏嘅湯河真的很美味。