泰 (銅鑼灣廣場二期) (Closed)

作為泰菜大王，整個銅鑼灣的泰菜，我都食過！Thaiology 尤勝在整潔光猛。睇來睇去都係覺得２人餐最抵食，一於就佢啦！兩杯餐飲補左差價轉特色飲品泰式奶茶意外地很不甜，不錯！冬陰功海鮮湯香料下得足夠，酸味突出，海鮮配料有大蝦、墨魚仔等，不過最好儘快飲用，以免愈煮愈鹹。海南雞雞件嫩滑，份量很多，惜骨位略紅。串燒（雞、豬）火侯尚可，但沙嗲太稀，沒有掛力，吃得不過癮。泰式炒雜菜有粟米芯、椰菜、豆角、翠玉瓜等，鑊氣夠！泰式鮮蝦炒金邊粉 甜鹹適中，鑊氣夠。整體不過不失。