京滬佳餚 (The LOHAS康城) (Closed)

招牌小籠包(6隻) $68外皮薄得嚟又承托包入面嘅湯汁，放涼一陣先入口。有肉嘅鮮甜，但係又唔會太油膩。。。。。。。。。。。。。。。。。。。砂鍋花膠雲吞雞 $338花膠口感較軟同黏口，啖啖膠原嘅感覺。雲吞無咩特別。雖然湯渣嘅雞啲雞味煲晒出嚟，但因為唔會太鞋，所以湯渣都食埋。而湯嘅味道係清清哋，帶有花膠同雞嘅清甜味。明顯無落味精，好有媽媽煲湯嘅感覺。。。。。。。。。。。。。。。。。。。京滬擔擔麵 $68唔同平時食開川菜嘅麻辣味道，呢到嘅擔擔麵帶濃濃嘅花生醬味，湯頭質地稠。每一啖麵都掛湯，味道濃郁。