鋿晶館 (上水匯) (Under Renovation)

今日朋友帶我去上水匯食飯，入左去呢間餐廳，位置坐得幾舒服，又唔迫。晚市都係主打中式小炒，好多款式! 啫啫通菜煲一上台已經聞到好香，用煲上仲見到佢滋滋炸炸咁。醬汁好惹味，仲有蝦乾同肉絲，入面既洋蔥吸曬汁，都好好食。通菜煮完都唔會老，呢碟都好岩送飯。中式蜜桃牛柳醬汁酸甜好開胃，牛柳肉質嫩滑，而且好入味。蜜桃都好甜!籠仔斑頭腩蒸飯用左蒸籠上，更有風味。飯底係炒飯，而且仲有金銀蒜，食落好香口。斑頭腩份量都好多，而且每件都有啖啖肉! 估唔到呢到都有幾多特飲，青檸梳打好清爽。另外女仔仲可以簡養生之選既紅棗桂圓茶，就算係熱飲都同凍飲一樣大杯。