一鳴燒 (Closed)

收到風銅鑼灣地帶一家玩具店將結束營業，全場貨品一律以半價發售，週三傍晚即約同契妹瘋狂購物，希望執到好野。濕完平兩口子就行咗去附近幢食廈，好隨意咁揀咗間「一鳴燒」食日本野。真係估唔到樓上串燒店會如此光猛，而且仲要一啲油煙味都冇。半梳化式散座寬闊舒適。唔知細佬係咪額頭上寫有「飲鬼」兩個字呢？！埋位一刻，妹妹仔即推介店子新推o既「$188無限添飲清酒及啤酒」優惠。XO仔見飯後仲要返公司，所以就決定今次唔玩無限啤啤啦。食串燒最好，因份量絕對容許大家各自點選心頭好。頭輪串燒唔洗十分鐘即燒好，廚房效率真係高：「いただきます。」蒜蓉燒聖子皇（$62/隻）：原隻蟶子皇爽脆潤滑，鮮甜惹味。燒五花腩（$54/兩串）：肥瘦均勻o既五花腩肉質鬆軟爽口，而且肉汁豐盛，食完一串必定要追加，一客有兩串就剛剛好！生燒牛舌芯（$38/串）：可能細佬最後先食牛舌芯啦，牛舌芯入口時已經凍咗，幸好其質感都仍然好爽，微辣o既調味又討好。鹽燒雞軟骨（$28/兩串）：辣口o既雞軟骨乾巧香脆，$28有兩串絕對係超抵之選。餃子雞翼（$38/兩隻）：餃子雞翼層雞皮滲滿蜜糖香，入面原來釀入咗明太子，所以咬落去爽得黎仲有種微微香辣及爆脆，都