龍鳳號 (Under Renovation)

Item: Longfenghao
Rating: 5
Author: FeivouriteFood

Longfenghao

730 Reviews

Taste

Decor

Service

Hygiene

Value

22754

Kwun Tong

$51-100

Taiwan Noodles/Rice Noodles

468

112

FeivouriteFood

Level4

197

觀塘最多既就係台灣菜餐廳，今次再次介紹龍鳳號，午市食過龍鳳號同同區嘅阿元來了，覺得阿元來了更勝一籌，因為阿元來了有得散叫，配搭多款而且有蛋餅，但龍鳳號午市其實只有套餐，有好多小食都冇得食，所以今次終於試佢嘅晚市，晚市嘅小食原來好有驚喜。-1️⃣ 古早味魯肉飯 💰38（👅: 8/10）魯肉飯都係一般台灣菜嘅大小，魯肉肥瘦分明，即使佢係用五花腩加豬下腿肉做魯肉，食落都唔算油膩，五花腩聽講係用元朗豬場出產既台灣種黑毛豬，食落肉味濃無豬羶，入口即溶。魯肉用自家炸乾葱酥、醬油膏同冰糖燜煮味，肉大粒魯汁食落入味有甜味，有台灣風味，唔會話食完好口渴。魯肉份量都足夠去撈成碗飯食，飯係用台稉九號既珍珠米，煮得粒粒分明，食落煙韌彈牙有米香。我覺得質數係above average，不過同區既阿元來了會略勝一籌。-2️⃣ 澎湖花枝蝦餅 💰68（👅: 9.5/10）蝦餅係新鮮炸起，夾上口食嗰時仲係熱辣辣。外表炸到金黃色，外層嘅炸衣炸到非常鬆脆而且薄，可能加咗油紙所以睇落冇咁油，內涵係非常飽滿嘅蝦餅，入面加左澎湖最出各既花枝，每次食一啖都覺得係滿口蝦肉，而唔係麵粉，佢係用鮮蝦打成膠，混合切成一粒粒花枝肉，食落有咬口而且又

Read full review

觀塘最多既就係台灣菜餐廳，今次再次介紹龍鳳號，午市食過龍鳳號同同區嘅阿元來了，覺得阿元來了更勝一籌，因為阿元來了有得散叫，配搭多款而且有蛋餅，但龍鳳號午市其實只有套餐，有好多小食都冇得食，所以今次終於試佢嘅晚市，晚市嘅小食原來好有驚喜。

-
1️⃣ 古早味魯肉飯 💰38（👅: 8/10）

魯肉飯都係一般台灣菜嘅大小，魯肉肥瘦分明，即使佢係用五花腩加豬下腿肉做魯肉，食落都唔算油膩，五花腩聽講係用元朗豬場出產既台灣種黑毛豬，食落肉味濃無豬羶，入口即溶。魯肉用自家炸乾葱酥、醬油膏同冰糖燜煮味，肉大粒魯汁食落入味有甜味，有台灣風味，唔會話食完好口渴。魯肉份量都足夠去撈成碗飯食，飯係用台稉九號既珍珠米，煮得粒粒分明，食落煙韌彈牙有米香。
我覺得質數係above average，不過同區既阿元來了會略勝一籌。
-
2️⃣ 澎湖花枝蝦餅 💰68（👅: 9.5/10）

蝦餅係新鮮炸起，夾上口食嗰時仲係熱辣辣。

外表炸到金黃色，外層嘅炸衣炸到非常鬆脆而且薄，可能加咗油紙所以睇落冇咁油，內涵係非常飽滿嘅蝦餅，入面加左澎湖最出各既花枝，每次食一啖都覺得係滿口蝦肉，而唔係麵粉，佢係用鮮蝦打成膠，混合切成一粒粒花枝肉，食落有咬口而且又彈牙，好耐冇試過食台灣小食咁有驚喜，蝦肉嘅份量唔係講笑，難怪佢比其他小食貴一啲，但我覺得佢係全晚最好食嘅小食，佢個Menu上面應該要加個手指公，果次食完之後我同女朋友間中都會回味依個味道，可見呢個蝦餅真係好好食，第一次食台灣野會令我即刻想再食第二次，因為呢個小食。
-
3️⃣ 宜蘭葱肉煎餅 💰48（👅: 8.5/10）

蔥肉煎餅有五塊份量好多，內餡係豬肉同菜，外表睇落似生煎包，食落有啲似食餃子，但佢個皮冇炸餃子咁厚，外表落咗豉油，外層幾脆，食落煙韌，食第一粒個時好有驚喜，因為佢一咬就爆曬湯汁出嚟，非常juicy，但之後二、三、四粒無爆汁，直到第五粒先再次爆汁，不過略嫌入邊嘅內餡唔夠多，如果葱味或者豬肉多啲味道更出會更好。

-
4️⃣ 鹽酥菇 💰42（👅: 9/10）

鹽酥菇係其中一款人氣美食，有時會賣哂，平時食開鹽酥雞所以有鹽酥菇食好特別，每粒鹽酥菇都好大粒，係用杏鮑菇，會見到有幾塊九層塔喺入邊，上面加咗胡椒去炸，一咬就爆汁，外脆內軟，因為佢係菇所以即使係炸食落都唔覺得Heavy，不過略嫌每粒鹽酥菇嘅調味都不一，有啲睇落深色啲味道重啲鹹啲。

🌟食完晚市之後覺得佢係觀塘最好食嘅台灣菜，佢嘅小食種類比起阿元多好多，而且好多都唔係經常見到嘅小食，反而阿元晚市小食會少咗，最主要嘅蛋餅會冇咗反而多咗蚵仔煎，話龍鳳號係香港最好食嘅台灣菜都唔過分，小食全部都出色，尤其係澎湖花枝蝦餅，嗰種厚實嘅蝦肉口感實在太有驚喜，唯一缺點就係佢無牛肉麵，而且冇蛋餅，不過即使冇依兩樣嘢都足夠令我經常幫襯。