桂花小幸 (元朗廣場)

Open Now

Now Closed

去開元朗做運動，跑步之前食個晚飯，近近地去到元朗廣場，見到新開咗間桂花小幸，食台灣菜，餐廳環境都幾闊落，仲有我哋都好鍾意飲嘅珍珠奶茶，果斷決定喺度食。呢度有提供晚市套餐，原忠燉湯定食，有上湯浸時菜及燉湯，一個套餐咁計都幾抵食，價錢只係$65至$93仲可以優惠價加小食相當合理，我哋叫咗個酥炸排骨滷肉飯，排骨比較薄身，但係都幾入味，滷肉飯就好出色，飯粒軟熟，而且滷肉份量好足，油香味道吸引，燉湯都好清甜滋潤。朋友就叫咗個煲仔塔香三杯雞定食，三杯雞好惹味，雞肉有肉汁又大嚿多肉，仲有蒜頭同洋蔥嘅香味。另外我哋仲叫咗個現做煎餃子，煎餃好有咬口，而且餡料入味又豐富。飲品方面我同朋友都好鍾意飲阿華田，分別叫咗一杯珍珠阿華田及脆脆阿華田。阿華田加上軟熟嘅珍珠真係好令人滿足，而脆脆阿華田呢就即係有Oreo曲奇係面層，飲落分內外香滑味道更甜。