Video
Read full review
2023-06-01
681 views
《八番屋 - 大埔》話說都真係好耐冇行過大埔既新達廣場，其實佢超近火車站，而且商場裝修咗之後靚咗好多，仲多咗好多新餐廳添😉今次我同外國返嚟嘅表妹上咗嚟新達呢邊食晚飯，最後揀咗一間都幾多野食種類選擇嘅日式食店坐低，餐廳有個特盛二人套餐都幾抵食，兩個主食、一個串燒拼盤、兩杯飲品同埋甜品先係二百零蚊，所以我地都無諗太多點左呢個餐💁🏻♀️特盛二人套餐 $268🔹雞肉野菜拉麵表妹揀咗食雞肉拉麵，佢個湯底係鹽味湯底，個湯呈現奶白色，味道較平時食到既拉麵湯底口味清淡少少🤏不過個湯飲落幾舒服，食晒成個麵都唔會口乾，而且個拉麵入面有好多蔬菜，仲有流心蛋同埋幾片大雞肉🍗近排天氣咁熱成日口淡淡，食呢個拉麵就啱啱好唔會太Heavy🔹芝士燒牛肉丼芝士牛肉丼用嘅牛肉唔係肥牛肉嗰種，我初時都以為係薄切打邊爐嗰啲肥牛，點知餐廳係用牛柳去製作，咬落有口感之餘仲有濃郁嘅燒汁牛肉味👍🏻如果餐廳可以改用拉絲嘅芝士應該會更好味呢🔹串燒盛串燒盛入面有四串串燒，包括雞腿肉、牛柳串、雞軟骨同埋燒雞翼，個人特別推介佢個燒雞翼，醃製過嘅雞翼自帶甜味，燒咗之後個皮少少脆都幾香口，另外牛柳串落咗少少黑胡椒調味，咬落唔乾有肉汁，味道都係帶甜甜
話說都真係好耐冇行過大埔既新達廣場，其實佢超近火車站，而且商場裝修咗之後靚咗好多，仲多咗好多新餐廳添😉今次我同外國返嚟嘅表妹上咗嚟新達呢邊食晚飯，最後揀咗一間都幾多野食種類選擇嘅日式食店坐低，餐廳有個特盛二人套餐都幾抵食，兩個主食、一個串燒拼盤、兩杯飲品同埋甜品先係二百零蚊，所以我地都無諗太多點左呢個餐
💁🏻♀️特盛二人套餐 $268
🔹雞肉野菜拉麵
表妹揀咗食雞肉拉麵，佢個湯底係鹽味湯底，個湯呈現奶白色，味道較平時食到既拉麵湯底口味清淡少少🤏不過個湯飲落幾舒服，食晒成個麵都唔會口乾，而且個拉麵入面有好多蔬菜，仲有流心蛋同埋幾片大雞肉🍗近排天氣咁熱成日口淡淡，食呢個拉麵就啱啱好唔會太Heavy
🔹芝士燒牛肉丼
芝士牛肉丼用嘅牛肉唔係肥牛肉嗰種，我初時都以為係薄切打邊爐嗰啲肥牛，點知餐廳係用牛柳去製作，咬落有口感之餘仲有濃郁嘅燒汁牛肉味👍🏻如果餐廳可以改用拉絲嘅芝士應該會更好味呢
🔹串燒盛
串燒盛入面有四串串燒，包括雞腿肉、牛柳串、雞軟骨同埋燒雞翼，個人特別推介佢個燒雞翼，醃製過嘅雞翼自帶甜味，燒咗之後個皮少少脆都幾香口，另外牛柳串落咗少少黑胡椒調味，咬落唔乾有肉汁，味道都係帶甜甜地
🔹綠茶蕨餅
甜品方面我哋揀咗綠茶蕨餅，餐廳喺上面冧咗黑糖漿，食落甜絲絲的，作為呢一餐嘅總結就最好不過啦
💁🏻♀️大埔南運路9號新達廣場1樓A012號舖
Post
