Video
Read full review
2010-06-17
7 views
荷蘭大戰丹麥當日, 正好係師傅約左好友食家"乜都放入窿"同食神晚膳一聚, 而食店亦由好友食家"乜都放入窿”精心揀選, 本來打算食完晚飯後先睇波, 但由於訂枱時間分兩輪, 正好同世界盃開波時間撞到正, 經過商量後決定頭盤先睇波, 主菜至食晚飯; 於是決定喺老蘭搵間酒吧睇下波先!由於好友食家"乜都放入窿”仍未放工, 所以師傅同食神就喺老蘭兜左一陣, 始終老蘭唔係師傅嘅心水選擇, 而食神亦冇咩推介, 最後見到呢間好似最夠冷氣, 所以揀左呢間食店為當晚嘅頭盤! 入到去人唔多, 可能係早嘅關係, 大部份打工仔都未放工啦, 一坐底個侍應就推介左個世界盃小食拼盆, 師傅同食神望一望覺得都幾抵, 加上師傅就鬼死咁餓, 於是就柯打左呢個餐! 世界盃小食拼盆有五款小食, 酥炸魷魚圈, 燒豬仔肋骨, 炸俄式豬肉雲吞, 炸雞塊同埋迷你蔗蝦, 再加兩杯指定飲品, 即係喜力生啤!場波都未關, 世界盃小食拼盆率先登場, 師傅第一件先試酥炸魷魚圈, 酥炸魷魚圈嘅炸粉唔厚, 入口唔油而且魷魚圈爽口唔韌, 非常好味, 掂呀; 再黎炸雞塊, 炸雞塊其實同麥樂雞冇咩分別, 不過當然好味過麥樂雞多多聲啦, 炸雞塊十分鬆軟,
由於好友食家"乜都放入窿”仍未放工, 所以師傅同食神就喺老蘭兜左一陣, 始終老蘭唔係師傅嘅心水選擇, 而食神亦冇咩推介, 最後見到呢間好似最夠冷氣, 所以揀左呢間食店為當晚嘅頭盤!
入到去人唔多, 可能係早嘅關係, 大部份打工仔都未放工啦, 一坐底個侍應就推介左個世界盃小食拼盆, 師傅同食神望一望覺得都幾抵, 加上師傅就鬼死咁餓, 於是就柯打左呢個餐! 世界盃小食拼盆有五款小食, 酥炸魷魚圈, 燒豬仔肋骨, 炸俄式豬肉雲吞, 炸雞塊同埋迷你蔗蝦, 再加兩杯指定飲品, 即係喜力生啤!
場波都未關, 世界盃小食拼盆率先登場, 師傅第一件先試酥炸魷魚圈, 酥炸魷魚圈嘅炸粉唔厚, 入口唔油而且魷魚圈爽口唔韌, 非常好味, 掂呀; 再黎炸雞塊, 炸雞塊其實同麥樂雞冇咩分別, 不過當然好味過麥樂雞多多聲啦, 炸雞塊十分鬆軟, 唔油唔太濃亦唔乾身, 絕對令師傅有追住吃嘅感覺!
迷你蔗蝦雖然細細隻, 但絕不馬虎, 迷你蔗蝦炸得十分之香, 蝦味亦甚重, 但絕對唔油, 雖然以蝦膠為主, 但仍然十分爽口美味, 得喎; 炸俄式豬肉雲吞炸得好脆, 餡料酥香惹味, 內裡帶出少少洋蔥嘅香味, 絕不過火, 所以真係食完一舊又一舊, 師傅就十分欣賞, 停不了地吃; 燒豬仔肋骨肉身鬆軟, 入口唔乾身所以唔韌, 加上燒得非常香口, 極道惹味! 至於喜力生啤就冇咩特別, 只比一般生啤濃少少, 接受到啦!
總括黎講食物質素頗佳, 環境靜靜地, 幾舒服, 服務態度友善, 價錢相宜, 兩舊水個餐, 再另加兩杯生啤同一枝啤酒, 埋單都係三百三, 每人百一蚊, 都幾抵食; 當荷蘭入到第二球時, 三人一致起身鬆人, 才發覺仍未埋單, 由始可見三人對荷蘭附碌地贏波略有不滿; 是次小食稍為熱氣, 但就十分好味, 而呢間食店仍為晚膳前小聚的確唔錯, 如果有機會師傅都會再黎, 不論睇波定食飯都好, 都對呢間食店都有信心, 笑臉又點走得甩!
Post
