DPD Deluxe (Closed)

去大排檔食飯一啲都唔失禮， 因為呢度係豪華大排檔 ，中西菜式， 各適其適， 中菜晚飯套餐包括三個餸， 有老火湯，仲有白飯， 都算豐富，而且價錢實惠， 唔使400蚊 。我哋今晚揀咗水晶雞半隻，🐔麻香炒蝦球，🦐🍤啫啫生菜煲 ，🥬🌶老火湯係節瓜紅蘿蔔煲章魚瘦肉，🥕🐙火候都幾好， 不過個湯就唔夠熱， 扣曬分， 熱湯係最基本嘅要求，但係好多時啲餐廳都做唔到 。幾個小菜都不過不失，水晶雞個樣就好靚， 皮黃肉白， size不小。 麻香炒蝦球有5粒大蝦球，用麻辣調製， 加左好多雜菇，好惹味，但係都幾辣，因為有落咗花椒又落咗辣椒， 食到有啲噴火。🔥幸好啲蝦都幾新鮮， 所以都收貨啦。 最好食就係啫啫生菜煲，生菜好嫩， 有啲蝦醬味，令到煲菜夠曬鹹鮮惹味，而且用瓦煲上夠曬熱。 三個小菜兩個人食應該係幾好嘅配搭，仲有其他菜式選擇，鍾意食肉多啲又得，食菜多啲又得。呢度最優勢嘅就喺人比較少，好安靜，坐得幾舒服 ，感覺就係喺西餐廳食中餐， 如果啲湯可以熱啲就會好啦。