玉桃軒酒家 (康怡廣場) (Closed)

超級星期三老婆話要行下吉之島！所以就去入貨！跟住有朋友話一齊可以去食飯！咁就約佢喺康怡嗰度食啦⋯⋯方便啲呀嘛⋯⋯行完街過對面就有得食！位於太古康山道康怡廣場🎈🎈玉桃軒酒家🎈🎈XO鮮菌炒花姿$108花枝片火候啱啱好！非常鮮嫩可口！有西芹丶紅椒和大量鮮雜菌😋由XO醬同炒！超級鮮味！脆皮一品燒雞半隻$128燒雞皮脆肉滑！肉質鮮美！我最欣賞就係佢特製嘅燒汁！帶出雞嘅鮮味！瑤柱蛋白炒飯$108雖然話係好簡單嘅炒飯！但係要😬恰到好處飯粒帶點乾爽！最怕食到啲炒飯濕笠笠🤨帶點爽脆嘅芥蘭粒同炒！呢個炒飯炒得唔錯！😋