金記冰室 (創紀之城五期(apm)) (Closed)

夜晚諗食晚飯，喺apm經過啲餐廳又冇乜衝動想入，上到最頂見到呢間冰室，平時去開金記都係食tea，今次就諗試下晚餐。（以前食餐廳小菜，都係去怡安街嗰頭，可惜老鼠比較多，自從試過見到有老鼠喺風位走過，就冇再去😱😱😱）叫左個xo醬蝦球西蘭花，同惹味回鍋肉，跟左個例湯，例湯飲落，覺得味道比較淡，飲落覺得口淡淡😅😅😅。xo醬西蘭花炒蝦球，黎到時打個突😵😵，西蘭花同蝦球係分開左，連配菜啲菇都係分開，玩三國頂立？食落似係水煮熟左啲菜同蝦，再各自用啲醬汁撈埋黎炒一炒再上碟咁，我覺得唔好食囉。然後回鍋肉，肉太大塊，不過真係似炒過，感覺好啲，如果啲肉切細塊啲，會好好多。都叫合格既。但係呢個價錢，食呢啲野，我就覺得差左小小，希望佢地可以改進下。