紅磡冰室 (Closed)

呢排冇工人，成日都要出街食，今次又試新野，途經都見唔少人，就試下。入到去搵咗個最尾個卡位，坐低睇餐牌時伙計已放下3碗湯，你估我實叫小菜咩…佢所有小菜都包湯同飯，另外仲有晚餐，包埋飲品，價錢比小菜貴大約5蚊，如果唔想飲野，就唔駛要晚餐。我地3個人叫咗3個小菜，咕嚕魚、四季豆炒豬頸肉同黑椒牛仔骨，三個餸份量都唔細而味道方面，三個都好味，魚塊炸得好，咕嚕汁ok，四季豆炒得有鑊氣，最好味係牛仔骨，個黑椒汁整得好，牛仔骨就一定會用梳打粉醃過，好彩仲有點牛味，又有好多塊，青椒洋葱又多。